________________
૧૩જી ધર્મના અર્થી આત્માઓએ સ્વપર-કલ્યાણને સાધનારા બનવું હોય,
તો આ જાતિની વિચક્ષણતાને પણ કેળવ્યે જ છૂટકો છે. આપણે શું?' ‘કરશે તે ભરશે. આપણે તો વેશને નમીએ છીએ ને ?' આવી આવી દલીલો કદાચ આ દુનિયામાં ચાલી શકશે, પણ પરલોકમાં એવી દલીલો કશી જ સહાય નહિ કરી શકે.
મહાસતી શ્રીમતી સીતાજીને અગ્નિ પ્રવેશની અનુમતિ
દિવ્યના નિષેધનો પોકાર કરતા લોકોને શ્રીરામચંદ્રજીએ તો સાફ સાફ વાતો સંભળાવી દીધી. શ્રીરામચંદ્રજી પોતે શ્રીમતી સીતાજીને સાવ નિર્દોષ જ માનતા હતા અને લોકના સ્વભાવનો પણ તેમને કારમો અનુભવ થઈ ચૂક્યો હતો. જે લોક નિર્દોષને શિરે કલ્પિત દોષ મઢી કાઢવામાં નિપુણ અને નિર્મર્યાદ છે તેમજ જે લોક રૂબરૂમાં અને પીઠ પાછળ જુદું બોલતાં અચકાતો નથી. એવા લોકને એવા લોકોના નાદને કોઈપણ ડાહતો માણસ વજન આપે નહિ. માટે જ લોકના વાદનો પ્રતિકાર કરીને શ્રી રામચંદ્રજીએ શ્રીમતી સીતાજીને માટે પાંચ દિવ્યોમાંથી સળગતા અગ્નિના પ્રવેશ રૂપ દિવ્યની સમ્મતિ આપી
સભા : પહેલાં રામચંદ્રજીએ જ લોકનાં વચનોને આધારે શ્રીમતી સીતાજીને ત્યજી દીધાં હતાં ને?
પૂજયશ્રી : એટલે તો તેઓ આવાં અનુભવસિદ્ધ વચનો ઉચ્ચારી રહા છે ! તેમને ખાત્રી થઈ ગઈ કે, આવા લોકોની વાતને વજન આપવામાં ગંભીર જોખમ જ રહેલું છે. આવા લોકોની વાત ઉપર ન તો વિશ્વાસ મૂકાય કે ન તો એને વજનદાર મનાય. શ્રીરામચંદ્રજીએ જ્યાં આવો સ્પષ્ટ ઉત્તર સંભળાવ્યો, ત્યાં લોકો ચૂપ થઈ ગયા.
સભા: બોલે પણ શું? પૂજયશ્રી : હવે શ્રીરામચંદ્રજીએ ત્રણસો હાથ પ્રમાણ
રિમ નિર્વાણ ભાગ ૭.
