________________
૧૧૦)
શિમ જણ ભગ ૭.
નથી ? અર્થાત્ તમારો આ પરાજય તમારા પુત્રોથી જ થયેલો છે. અને પુત્રોથી થતો પરાજય એ તો વંશના ઉદ્યોતનું જ કારણ છે, માટે તમારે તમારા આ પરાજયને માટે પણ ખેદ નહિ કરતાં હર્ષ જ માણવો જોઈએ. તમને યુદ્ધમાં પરાજિત કરનારા એ બન્ને તમારા દુશ્મનો નથી, પણ મહાસતી શ્રીમતી સીતાજીની કુક્ષિથી ઉત્પન્ન થયેલા એ બન્ને લવણ અને અંકુશ નામના તમારા જ બે પુત્રો છે. યુદ્ધના ન્હાને તે બન્ને તમને જોવાને માટે જ આવેલા છે. તેમના ઉપર તમે બબ્બે વાર ચક્ર મૂક્યું. છતાં પણ તે કારગત ન નિવડયું અને પ્રદક્ષિણા દઈને પાછું ફર્યું એ જ એ બન્ને તમારા પુત્રો હોવાની નિશાની છે. પૂર્વે પણ પોતાના ભાઈ શ્રી બાહુબલીજી ઉપર શ્રી ભરતજીએ ચક્ર મૂક્યું હતું. પણ તે ચક્ર શ્રી બાહુબલીજીને હણી શક્યું નહોતું. એજ રીતે આ બે તમારા પુત્રો છે અને માટે જ તમારું મૂકેલું ચક્ર તેમને હણી શક્યું નથી. આ પ્રમાણે કહીને નારદજીએ, શ્રીમતી સીતાજીના ત્યાગથી આરંભીને લવણ-અંકુશના યુદ્ધ પર્યાનો, વિશ્વને વિસ્મયકારી એવો સઘળો જ વૃત્તાંત શ્રી રામચંદ્રજીને અને શ્રીલક્ષ્મણજીને કહી સંભળાવ્યો.
શ્રી રામચંદ્રજીને મૂચ્છ અને સંજ્ઞાની પ્રાપ્તિ વિશ્વને વિસ્મયમાં ગરકાવ બનાવી દેનારા એ અખિલ વૃત્તાંતને સાંભળતાં, શ્રીરામચંદ્રજી વિસ્મયની, લજ્જાની, ખેદની અને હર્ષની એમ ચારેય પ્રકારની લાગણીઓથી સમાકુલ બની ગયા. પુત્રોના પરાક્રમે તેમના હૈયામાં વિસ્મયની લાગણી પ્રગટાવી; પોતાના પરાજય તેમના હૈયામાં લજ્જાની લાગણી પ્રગટાવી, આવા પરાક્રમી પુત્રો ના ગર્ભમાં હતા તથા જે સર્વથા નિષ્કલંક જ હતી, તે શ્રીમતી સીતાજીનો
