________________
....સથ સેવક
લવણ અને અંકુશના વંશની મહત્તા દર્શાવ્યા પછીથી, આ બે જણા અહીં ક્યાંથી ? એવા પણ પ્રસ્તને અવકાશ ન રહે, એ માટે નારદજી કહે છે કે આ બે જણા જે વખતે ગર્ભમાં હતા, તે વખતે અયોધ્યાના લોકોએ જન્માવેલા અપવાદથી ડરી જઈને શ્રી રામચંદ્રજીએ શ્રીમતી સીતાજીનો ત્યાગ કર્યો હતો.'
શ્રી રામચંદ્રજીએ કરેલાં શ્રીમતી સીતાજીના ત્યાગની હકીકત સાંભળતાંની સાથે જ, અંકુશ હાસ્ય કરીને કહે છે કે, મુનિવર ! શ્રીરામચંદ્રજીએ ઘરૂણ વનમાં શ્રીમતી સીતાજીનો ત્યાગ કરાવ્યો, એ સારૂં તો નથી જ ક્યું. અપવાદને દૂર કરવાના તો ઘણા ઉપાયો છે, છતાં વિદ્વાન એવા પણ શ્રીરામચંદ્રજીએ એમ કેમ કર્યું?
અંકુશ આમ પૂછે છે, પણ લવણને એમ લાગે છે કે, એમાં હવે પૂછવું શું?' લવણ તો જુદો જ વિચાર કરે છે. એ પોતાના પરાક્રમથી પોતાના પિતાને તેમની ભૂલ સમજાવવાના વિચારમાં છે. આથી તરત જ તે નારદજીને પૂછે છે કે, પોતાના લઘુ બંધુ શ્રીલક્ષ્મણજીની સાથે મારા તાત શ્રી રામચંદ્રજી જે નગરીમાં વસે છે, તે નગરી અહીંથી કેટલીક દૂર છે ?'
નારદજી કહે છે કે, “વિશ્વભરમાં નિર્મળ એવા તમારા પિતા શ્રીરામચંદ્રજી જે નગરીમાં વસે છે, તે અયોધ્યાનગરી પુંડરીકપુરીથી એક સો ને સાઈઠ યોજન દૂર છે. આમ નારદજી પાસેથી અયોધ્યાનગરી કેટલી દૂર છે એ જાણી લઈને, લવણ નમ્રતાપૂર્વક વજબંઘ રાજાને ઉદ્દેશીને કહે છે કે, ત્યાં જઈને અમે શ્રી રામ-લક્ષ્મણને જોવાને ઇચ્છીએ છીએ'
વજજંઘ રાજા સમજે છે કે, આ બે જણા કેવી રીતે શ્રીરામલક્ષ્મણને જોવા જવાને ઇચ્છે છે અને એમ જવામાં કેટલું જોખમ રહેલું છે પણ અત્યારે ના પાડવી એનો કાંઈ વિશેષ અર્થ નથી એમ વિચારીને વજજંઘ રાજા ના નહિ પાડતાં, લવણ-અંકુશની તે વાતનો સ્વીકાર કરી લે છે.
આદર્શ સતાજીના સંદેશ...૪
૮૩
