________________
( @g
૬ કેવલજ્ઞાન ઉપાર્જી, તીર્થની સ્થાપના કરી, શેષ જીવનમાં પણ અનેક આત્માઓના ઉદ્ધારક બનીને એ તારકો શ્રી સિદ્ધપદને પામે છે.
વાસુદેવો તથા પ્રતિવાસુદેવો નિયાણું કરીને જ આવે છે વાસુદેવો અને પ્રતિવાસુદેવોના આત્માઓ પૂર્વે સંયમમાં નિયાણું કરીને આવે છે. ઉંચી કોટિના સંયમની સાધના કરેલી હોવાથી, નિયાણાના યોગે એ આત્માઓને ઇચ્છેલી સ્થિતિ તો પ્રાપ્ત થઈ જાય છે, પરંતુ મળેલી સામગ્રીનો એ આત્માઓ દ્વારા એવો તો ઉપયોગ થઈ જાય છે કે એ વાસુદેવોના અને એ પ્રતિવાસુદેવોના આત્માઓ, ત્યાંથી મરીને નિયમા નરકે જાય છે. આમ છતાંપણ, એ આત્માઓ ભવ્ય હોવાના કારણે તેમજ સમ્યક્ત્વ પામી ચૂકેલા હોવાના કારણે, છેવટ અર્ધપુદ્ગલપરાવર્તનમાં તો જરૂર મોક્ષે જાય છે. સભા : નવ નારદ શલાકાપુરૂષોમાં નહિ ?
પૂજ્યશ્રી : ના. ત્રેસઠ શાલાકાપુરૂષોમાં તેમની ગણના નથી, પરંતુ એ વાત સાચી છે કે નારદો વાસુદેવના કાળમાં થાય છે, સભા : નારદો અંતે મોક્ષગામી તો ખરા ને ?
8-co0```999 90232"||
પૂજ્યશ્રી : જરૂર, નારદો ચરમશરીરી પણ હોય છે. સઘળાય નારદોના આત્માઓ મોક્ષગામી તો ખરા જ. એ આત્માઓ પણ થોડાજ કાળમાં મુક્તિએ જનારા હોય છે. કોઈપણ નારદનો આત્મા મુક્તિએ ન જાય, એ બને જ નહિ. કેમકે, એ આત્માઓ સમ્યક્ત્વ પામેલા હોય છે. અહીં તો વાત એ છે કે, ત્રેસઠ શલાકાપુરૂષમાં નારદોની ગણના થતી નથી. એ તો ચોવીસ શ્રી તીર્થંકરદેવો અને બાર ચક્રવર્તિઓ મળીને છત્રીશ અને નવ નવ પ્રતિવાસુદેવો, વાસુદેવો અને બળદેવો એમ સત્તાવીશ, એ છત્રીશ અને સત્તાવીશ મળી કુલ ત્રેસઠ, જ્યારે ૭૨ ઉત્તમ પુરૂષોની ગણના થાય છે, ત્યારે તેમાં નવ નારદોનો સમાવેશ કરાય છે. એ જ રીતે ૧૧ રૂદ્રોનો સમાવેશ કરી, ૮૩ ઉત્તમ પુરૂષો પણ ગણાય છે.
બળદેવો સ્વર્ગે કે મોક્ષે જાય
બળદેવોના આત્માઓ તો તે ભવમાંથી નિયમા દેવલોકે જાય અથવા મોક્ષે પણ જાય. જેમ શ્રી તીર્થંકરદેવનો જગતમાં જોટો નથી, તેમ બળદેવ અને વાસુદેવના ભાતૃસ્નેહનો પણ જગતમાં જોટો નથી,
