________________
પ૨ અનીતિ સાથે તેને છૂપાવનારાં જે જે પાપો કરવા પડે તે કરવા, એમાં
વાંધો નહિ એને તો આજે આવડત, હોંશિયારી અને હિંમતશીલતા મનાય છે ને ? ખરેખરો નીતિમાન તો આજે શોધવોય ભારે પડે તેમ છે, છતાં કોણ પોતાને અપ્રામાણિક કહે છે ? અપ્રામાણિક છતાં પ્રામાણિક તરીકે મૂછ ઉપર તાલ દઈને ફરવું એ હિંમત વિના બને ?
સભાઃ હિંમત તો ખરી જ ને ?
*"Paree 100222626
:
પૂજ્યશ્રી : બરાબર છે. હિંમત ખરી, પણ ડૂબાવનારી ! આથી જ હું કહું છું કે તમારામાં હિંમત નથી એમ નહિ પણ ધર્મની ગરજ નથી. જેનામાં ધર્મની ગરજ હોય, ધર્મની સાચી અભિરૂચિ હોય, તે હિંમત અને આવડત વગેરે બધુ એવા ઉપયોગમાં વાપરે, કે જેથી તે પાપથી પાછો હઠતો જાય અને મોક્ષની નિકટ પહોચતો જાય. અવસરે ભૂલપાત્ર બનેલ સાધુને પણ એ કહેવાજોણું મર્યાદામાં રહીને કહી દે ! એવું એ બોલે કે સાધુ સમજી જાય; યોગ્ય સાધુની ભૂલ સુધરી જાય અને અયોગ્ય વેષધારીને પણ એમ થઈ જાય કે, ‘અહીં પોલ નહિ ચાલે !'
દેવ-ગુરુતા સાચા સેવક બનો
તરવું હોય તો ‘દેવ-ગુરુના ઉપકારક અમે' એવી ઘેલછા છોડો અને દેવ-ગુરુના સેવક બનો. દેવની પૂજા કરો અને ગુરુની સેવા કરો, તે તમારા ઉપકાર માટે કરો ! એ તારક છે, એમ સમજીને સેવા કરો ! દેવ અને ગુરુને પોતાના યોગે નભનારા માનનારા અજ્ઞાન છે. શ્રી વીતરાગની વીતરાગતા પામવા માટે શ્રી વીતરાગ પરમાત્માની પૂજા કરો નિગ્રંથની નિગ્રંથતા મેળવવા માટે નિગ્રંથોની સેવા કરો કારણકે વીતરાગતા પામવા માટે નિગ્રંથતા જરૂરી છે. એમ માનો કે, ‘હું કમનસીબ છું કે સંયમધર્મની આરાધના સ્વયં આદરીને કરી શકતો નથી, તો મારી જે કાંઈ પુણ્યે મળેલી સામગ્રી છે, તે સંયમધારી મહાપુરુષોની સંયમયાત્રામાં કામ લાગો અને એ રીતે મારી સંયમધર્મની આરાધના હો !'
સંયમ ધર્મની આચરણા સાધુઓ કરે, પણ ગૃહસ્થોય સંયમધરની ભક્તિ આદિથી સંયમ ધર્મની આરાધના કરી શકે છે. સંયમ ધર્મની આરાધના હરકોઈ આત્મા કરી શકે છે. સંયમ ધર્મની
