________________
૧૫૮
n-c))''
*"aee 3000/>????¢
દુનિયાઘરીના પ્રયત્નમાં રસવાળા બનેલા રાજાઓએ એક માત્ર સામાન્ય શંકા અને તે પણ સાવ ખોટી, એના કારણે એક મહામુનિની હત્યા કરવાનો નિર્ણય કર્યો ! આત્મચિંતાના યોગે આવતી ઉત્તમતા અને પરચિંતાના યોગે આવતી અધમતા વિચારી જૂઓ ! આત્મચિંતા સ્વપરના ક્લ્યાણનું કારણ બને છે. અને પરચિંતા સ્વપરના ભયંકર ઘાતનું પણ કારણ બને છે. આથી જ વસ્તુસ્વરૂપના જ્ઞાતા મુનિવરો, દુનિયાના જીવો પરચિંતાથી પરામ્મુખ બને અને આત્મચિંતામાં સંલગ્ન બને એવો ઉપદેશ આપે છે. દુનિયાના જીવો પરચિંતામાં તો પડેલા જ છે અને સાધુવેશવાળા પણ જો આત્મચિંતાની વાતને ગૌણ બનાવી ધર્મના નામે પરચિંતા વધારવાનો સીધો કે આડક્તરો ઉપદેશ
આપે તો માનવું કે એ પામરો સ્વપરનું સત્યાનાશ કાઢવાનો જ ધંધો લઇ બેઠા છે.
શ્રી બલભદ્ર મહર્ષિની શ્રી નરસિંહના નામે પ્રખ્યાતિ ખેર, પેલાઓ તો શ્રી બલભદ્ર મહર્ષિને હણવાને માટે આવે છે. તે વખતે સિદ્ધાર્થ નામનો એક દેવ, કે જે શ્રી બલભદ્ર મહર્ષિના પૂર્વભવનો સંબંધી છે તે શ્રી બલભદ્ર મહર્ષિની રક્ષા કરી રહ્યો છે. શ્રી બલભદ્ર મહર્ષિ મોહના યોગે પોતાના મૃતભાઇનું શબ લઈને જ્યારે ભમતા હતા, ત્યારે આ દેવે જ તેમને બોધ પમાડ્યો હતો અને દીક્ષા લેવાની પ્રેરણા કરી હતી. પેલા રાજાઓને શ્રી બલભદ્ર મહર્ષિને હણવાને માટે આવતા જાણીને, જગતના સિંહોથી પણ ભયંકર એવા ઘણા સિંહો તે દેવે વિર્ષ્યા, એટલે આશ્ચર્યચક્તિ બનેલા તે રાજાઓએ આવીને શ્રી બલભદ્ર મહર્ષિને નમસ્કાર કર્યા અને તે પછી પોતપોતાનાં સ્થાને ચાલ્યા ગયા. શ્રી બલભદ્ર મહર્ષિ ત્યારથી ‘નરસિંહ'ના નામે ઓળખાવા લાગ્યા.
શ્રી બલભદ્ર મહર્ષિ મહાપ્રભાવક હતા અને ઉગ્ર તપસ્વી હતા. વનમાં તપ તપતા એ મહાત્માની શ્રેષ્ઠ ધર્મદેશનાથી જંગલના ઘણા વાઘો અને સિંહો વગેરે પણ પ્રશમને પામ્યા, કેટલાકો શ્રાવકપણાને પામ્યા, તો કેટલાકો ભદ્રક ભાવને પામ્યા, કેટલાકો કાયોત્સર્ગ કરવા લાગ્યા, તો કેટલાકોએ અનશન કર્યું; કહે છે કે માંસાહારના ત્યાગી
