________________
ચાલ્યા જાય છે. વનમાં આવતાં પહેલાં જ પોતાના રૂપના યોગે થયેલા અનર્થને જોઈને જ, શ્રી બલભદ્ર મુનિવર નિશ્ચય કરી ચૂક્યા છે કે, હવે હું ક્યારેય પણ કેઈ નગરમાં કે કોઈ ગામમાં નહિ જાઉં, પણ વનમાં કાષ્ટાદિ લેવાને માટે આવેલાઓની પાસેથી ભિક્ષા મેળવીને તપનું પારણું કરીશ !”
ત્યારથી વનમાં આવીને શ્રી બલભદ્ર મહર્ષિ માસખમણ આદિના દુરૂપને તપવામાં ઉઘત બન્યા છે અને પારણું કરવાના અવસરે તૃણનષ્ઠાદિને લેવાને માટે વનમાં આવેલાઓની પાસેથી જે કાંઈ સૂઝતું અન્નપાણી મળી જાય તેનાથી પારણું કરી લે છે. વન મોટું હોય એટલે એ વનમાં જુદા જુદા પ્રદેશોમાંથી જરૂરી કાષ્ઠાદિ લેવાને માટે માણસો આવે તે સ્વાભાવિક છે. આ બધાએ અન્નપાણી આપ્યું તો ખરૂં, પણ પોતપોતાના રાજાઓને જઈને ખબર આપી કે, “કોઈ દેવી રૂપવાળો પુરુષ વનમાં તપ તપે છે !' પેલાઓને શંકા થાય છે કે, 'કાચ આપણું રાજ્ય ઝડપી લેવાની ઈચ્છાથી આવું તપ તો એ નહિ તપતો હોય ને ? અથવા તો રાજ્યની આકાંક્ષાથી મંત્રસાધના તો નહિ કરતો હોય ને ?' આવી શંકા આવી એટલે તે બધા રાજાઓએ બલભદ્ર મહર્ષિની હત્યા કરવાનો વિચાર કર્યો. પરચિંતાથી દુનિયાદારીમાં પડેલા અને આત્મચિંતાથી
ધર્મપ્રયત્નમાં પડેલા વચ્ચેનું અંતર જુઓ કે પરચિંતાથી પર બને, આત્મચિંતામાં રમણ કરનારા અને આત્મચિંતાના યોગે દુનિયાદારીનો પ્રયત્ન તજી ધર્મ પ્રયત્ન કરવામાં ઉઘત બનેલા મહાત્મા કેટલા કૃપાળુ હોય છે ? અને પરચિંતામાં મૂંઝાઈ દુનિયાદારીના પ્રયત્નોમાં પડેલા કેટલા સ્વાર્થી અને ક્રૂર હોય છે? પોતાનું રૂપ જોઈને એક સ્ત્રી ઘેલી બની ગઈ અને એથી ઘડાના કંઠાને બદલે બચ્ચાના ગળામાં દોરડાનો ગાળો નાખી ભૂલથી છોકરાને કૂવામાં નાખવા માંડ્યું, એટલું જોઈને આત્મચિંતામાં રમણ કરતા અને ધર્મપ્રયત્નમાં રક્ત બનેલા મહાત્માએ માસક્ષમણ આદિ મહાતપશ્ચર્યાના પારણે પણ ભિક્ષા માટે પુરપ્રવેશ કે ગામપ્રવેશ નહિ કરવાનું નક્કી કર્યું. જ્યારે પરચિંતામાં મુંઝાઈ ગયેલા અને ૧૫
જૈનશાસન અને બળદીક્ષા...૭
