________________
'૧૫
ટાળવાનું તો શ્રી રામચંદ્રજીના માથે ઊભું જ હતું. દરિદ્રની દરિદ્રતા ટાળ્યા વિના નહીં રહી શકનારા શ્રી રામચંદ્રજી સાધર્મિકની આફત ટાળ્યા વિના કેમ જ રહી શકે? પોતાના ધર્મને બજાવ્યા વિના નહિ રહી શકનારા હોવાથી જ તેને વિસર્જન કરીને શ્રી રામચંદ્રજી દશાંગપુર ગયા અને નગરની બહારના ભાગમાં આવેલા ચૈત્યમાં શ્રી ચંદ્રપ્રભ નામના આઠમા તીર્થપતિને નમસ્કાર કરીને ત્યાં જ રહા.
જે કાર્ય માટે શ્રી રામચંદ્રજી દશાંગપુરની બહાર આવીને રહા છે, તે કાર્ય પ્રત્યે તે ઉદાસીન નથી. એ જ કારણે દશાંગપુરની બહાર આવતાંની સાથે જ શ્રી રામચંદ્રજીએ શ્રી લક્ષ્મણજીને શ્રી વજકર્ણની પાસે જવાની આજ્ઞા કરી. શ્રી લક્ષ્મણજી શ્રી રામચંદ્રજીની આજ્ઞાથી એક ક્ષણવારમાં તે દશાંગપુર નગરમાં પ્રવેશ કરીને શ્રી વજર્ણ રાજાની પાસે ગયા, કારણકે અલક્ષ્ય પુરુષોની આ સ્થિતિ છે. ઉત્તમ પુરુષો ન જાણી શકાય એવી જ રીતે આવીને ઉપસ્થિત થાય છે અને ધાર્યું કાર્ય કરી જાય છે. ઉત્તમ પુરુષો પોતાની જાહેરાતના પ્રયત્નો પોતે નથી કરતા. ઉત્તમ પુરુષોની જાહેરાત કરનારી અનેક વસ્તુઓ હોય છે એટલે તેઓ ધારે તો પણ જાહેર થાય છે. અને ન ધારે તો પણ જાહેર થાય છે. આથી તેઓ પોતાની જાહેરાત કરવા માટે આતુર હોતા જ નથી. જે વસ્તુ સ્વયં બનવાની હોય તેની આતુરતા એ દોષ છે, અને એવો દોષ ઉત્તમ આત્માઓમાં હોતો નથી. એ દોષના અભાવે જ શ્રી લક્ષ્મણજી શ્રી રામચંદ્રજીની આજ્ઞાથી એકદમ નગરમાં પ્રવેશ કરીને શ્રી વજકર્ણ પાસે ગયા.
ઔચિત્યવાદી આત્માઓનો સુંદર આચાર | ઉત્તમ પુરુષો અલક્ષ્ય રીતે આવે, પણ તેઓની આકૃતિ તેઓને છૂપા નથી રહેવા દેતી. ઉત્તમ પુરુષોની આકૃતિ જ એવી હોય છે કે જેથી તેઓ ન ઓળખાવા માંગે તોયે ઓળખાઈ જાય. એ જ કારણે અલક્ષ્ય રીતે પહોંચી ગયેલા એવા પણ સુંદર આકારવાળા તે શ્રી લક્ષ્મણજીને ઉત્તમ પુરુષ તરીકે જાણીને શ્રી વજકર્ણ રાજાએ કહ્યું કે
સાહમ્મીના સગપણ સમું અવર ન સગપણ કોચ...૧
