________________
(३२६) 1 पक्खिविऊणं देवा समिलं जूयं च सायरवरम्मि ।
वेगेण पुणो मिलिया इमं च भणिउं समाढत्ता ।। 3 पुव्वम्मि तडे जूयं अवरे समिला य अम्ह पक्खित्ता ।
जुग-छिड्डे सा समिला कइया पविसेज पेच्छामो ।। 5 अह पेच्छिउं पयत्ता सा समिला चंड-वाय-वीईहिं ।
उच्छालिज्जइ बहुसो पुण हीरइ जल-तरंगेहिं ।। 7 उव्वेल्लिज्जइ बहुसो णिव्वोला जाइ सायर-जलम्मि ।
मच्छेण गिलिय-मुक्का कमढ-णहुक्कत्तिया भमइ ।। 9 गीलिज्जइ मयरेणं मयर-कराघाय-णोल्लिया तरइ ।
तरमाणी घेप्पइ तंतुएण तंतू पुणो मुयइ ।। 11 सिसुमार-गहिय-मुक्का पइसइ कुंभीरयस्स वयणम्मि ।
कुंभीर-दंत-करवत्त-कत्ति-उक्कत्तिया गलइ ।। 13 गलिया वि मच्छ-पुच्छच्छडाहया धाइ गयण-मग्गेण ।
गयणावडणुल्ललिया घेप्पइ भुयगेहिँ विसमेहिं ।। 15 विसम-भूयंगम-डक्का घोर-विसालुंखणेण पज्जलिया ।
विज्झविया य जलेणं हीरइ पवणेण दूरयरं ।। 17 हीरंत च्चिय वेवइ अणुमग्गं हीरए तरंगेहिं ।
मुज्झइ विद्दुम-गहणे घेप्पइ संखेहिँ विसम-कयं ।। 19 धावइ पुव्वाभिमुहं उद्धावइ दक्खिणं तडं तत्तो ।
वच्चइ य उत्तरेणं उत्तरओ पच्छिमं जाइ ।। 21 तिरियं वलइ सहेलं वेलं पुण वग्गिरा तरंगेसु ।
भमइ य चक्काइद्धं मजइ आवत्त-गत्तासु ।।
2) P भणिउ. 3) P तओ for तडे. 4) J जूअच्छिद्दे, P एसज्ज for पविसेज्ज. 5) P पेच्छिओ, P वीतीहिं. 7) P उव्वोल्लिज्जइ, P णिव्वोल. 9) J णीलिज्जइ, P मगरेणं. 10) P मुणा for पुणो. 11) J पविसई. 12) P भमइ for गलइ. 13) P om. मच्छ. 14) J गयणावरणुल्लज्जिया, J भुअएहिं विसमवयणेहिं ।। 16) P विज्झावियजलेणं. 17) P हरत्ति for हीरंत. 18) P मिससंकं for विसमकयं. 19) P पुव्वाहिमुहं, P om. तडं. 20) P उरओ for उत्तरओ, P जाओ for जाइ. 21) P तिरिय, J वेलं, P तरंगेत्तासु, P om. 2nd line भमइ etc.
