________________
१६६
(३९३) 1 बुज्झसु मा मुज्झ तुमं विरमसु मा रमसु जुवईहिं ।।।
(३९२) एवं च पुणो सत्तम-राईए पच्छिम-जामे णिसुयं । जय 3 महारायाहिराय, जय । अवि य ।
फरिसिदियम्मि लुद्धो णरवर बहुसो वि पाविओ णिहणं । 5 विरमसु एण्हिं बज्झसि वारी-बंधम्मि व गइंदो ।।
रसणिंदियम्मि लुद्धो णरवर बहुसो विडंबणं पत्तो । 7 विरमसु एण्हिं णाससि गलेण मच्छो व्व जल-मज्झे ।।
घाणिंदिय-गय-चित्तो मत्तो णरणाह पाविओ दुक्खं । 9 विरमसु एण्हिं घेप्पसि ओसहि-गंधेण भुयगो व्व ।।
णयणिदिएण बहुसो रूवे गय-चेयणो विणट्ठो सि । विरमसु एण्हिं डज्झसि णरवर दीवे पयंगो व्व ।।
सोइंदियम्मि लुद्धो मुद्धो बहुसो विणासिओ वीर । 13 विरमसु एण्हिं घेप्पसि वाहेण मओ व्व गीएहिं ।।
इय णरवर पंचेए एक्केक्केएहिँ घायणं पत्ता । 15 तुह पुण पंच वि एए महारिणो एत्थ देहम्मि ।।
ता वीर फुडं भणिमो पंचहिँ समिईहिं समियओ होउं । 17 काय-मण-वाय-गुत्तो णीहरिउं कुण तवं घोरं ।।
(३९३) एवं च अणुदिणं भणिज्जमाणस्स रायउत्तस्स तम्मि पायाल-भवणे 19 अच्छमाणस्स चित्ते वियप्पो जाओ । 'अहो, को पुण एस दियहे दियहे
जयकार-पुव्वं इमाइं वेरग्गुप्पादयाइं कुलयाई पढइ । ता जइ अज्ज एइ अवस्सं 21 ता पुच्छामि' त्ति चिंतयंतस्स, जय महारायाहिराय वइरगुत्त जय, अवि य, जाव पढिउं समाढत्तो ताव भणियं रायउत्तेण ।
1) P मा बुज्झ, P जुवतीहिं. 2) J एवं पुण सत्तम, P रातीए. 5) P बज्झ वारी, P वि for व. 6) Jom. णरवर, J adds वि after बहुसो, P adds वि after पत्तो. 7) P विरमइसु, P णासुसु गलेण. 8) P om. मत्तों. 9) J भुअओ व्व. 12) ] सोतिंदियम्मि. 14) ] पञ्चेअं एक्केक्कयरेहि, J पत्तो. 15) P तुज्झ पुणं च एए, J एते. 16) JP समितीहिं, J समितओ होउ. 18) P adds रायस्स before रायउत्तस्स. 19) Jadds वि before वियप्पो, P को उण. 20) P वेरग्गपाययाई. 21) P om. त्ति, P जा for जाव. 22) P ता for ताव.
