________________
બે બોલ
સમસ્યાઓના મહાસાગરમાં નિમજ્જન અને ઉન્મજ્જન કરતા આત્માઓના સ્થિરીકરણ માટે કર્મસાહિત્યનું જ્ઞાન અતિ જરૂરી-અતિઆવશ્યક છે. જિનશાસનમાં પૂર્વર્ષિઓએ કર્મવિષયક તાત્ત્વિક જ્ઞાનનો વિશાળ પ્રવાહ પ્રસરાવ્યો છે. તેમાં કર્મપ્રકૃતિ, પંચસંગ્રહ ભાગ ૧-૨-૩, કર્મગ્રંથાદિ ગ્રંથો પ્રમુખસ્થાને છે. કર્મગ્રંથોમાં નવ્યકર્મગ્રન્થ અધ્યયન પ્રસિદ્ધ છે અને તે વર્તમાનકાળે નવ્યકર્મગ્રન્થોનો જ અભ્યાસ લગભગ સ્થાને કરાવવામાં આવે છે. પ્રાચીન કર્મગ્રન્થો છે, અર્થાત્ વિશાળ છે અને જાણવામાં સરળ છે આ વાતથી ઘણો ખરો વર્ગ અજ્ઞાત છે. આ અવસરે શ્રી ગર્ગર્ષિપ્રણીત પ્રથમ કર્મગ્રન્થ ગા. ૧૬૮ પ્રમાણ, અજ્ઞાનકર્તૃક દ્વિતીય કર્મગ્રન્થ ગા. પપ પ્રમાણ, તથા અજ્ઞાતકર્તૃક તૃતીયકર્મગ્રંથ ગા. ૫૪ પ્રમાણ તથા શ્રીનિવલ્લભગણિ કૃત ચતુર્થકર્મગ્રંથ ગા. ૮૬ પ્રમાણ એમ પ્રાચીન ચાર કર્મગ્રંથ મૂળરૂપે તથા ગાથાર્થરૂપે (ભારતીય પ્રાચ્યતત્ત્વ-પ્રકાશન સમિતિ પિંડવાડાથી બહાર પડેલ “વત્વર: પ્રાવીનસ્થા :” નામના પુસ્તકના સહારાથી) પં. શ્રી પરેશભાઈએ અલગ પુસ્તક રૂપે બહાર પાડેલ છે. ગાથાર્થ તૈયાર કરવા માટે શ્રી પરેશભાઈએ ખૂબજ પરિશ્રમ ઉઠાવેલ છે. શ્રુતજ્ઞાનની ઉપાસના અને ભક્તિ સ્વરૂપે સુંદર સાહિત્ય બહાર પાડીને કર્મસાહિત્યના જિજ્ઞાસુ વર્ગને અમૂલ્ય ભેટ આપેલ છે. પ્રાચીન કર્મગ્રન્થો ભલે ગાથાની દૃષ્ટિએ મોટા લાગે પરંતુ તેના દ્વારા અર્થબોધ સુંદર રીતે થાય છે. શ્રીપરેશભાઈનો આ પ્રયાસ ખૂબજ સ્પષ્ટ અને આવકાર્ય છે. જિનશાસનમાં કર્મસાહિત્યનો વિવેકતાથી પ્રચાર-પ્રયાસ થાય. શ્રમણપ્રધાન ચતુર્વિઘસંઘ આવા ગ્રંથોનો અભ્યાસ કરીને વિષયકજ્ઞાનનો જ્ઞાતા બનીને જીવન શુદ્ધિ વિષયકતા કેળવીને સદ્ગતિ અને સિદ્ધિગતિનો ભોક્તા થાય. એજ શુભેચ્છા સહ.
પંડિતવર્ય શ્રી ચંદ્રકાન્તભાઈ એસ. સંઘવી આ.શ્રી નીતિસૂરિશ્વર જૈન તત્ત્વજ્ઞાન પાઠશાલા
(ઘીવટો-પાટણ)
