________________
શતકનામા પંચમકર્મગ્રંથ ૭૦ કોડાકોડી સુધીના જેટલા સમયો તેટલા સ્થિતિસ્થાનો છે માટે જેટલા સ્થિતિભેદો થાય તેટલા ગુણા સ્થિતિસ્થાનો છે.
સ્થિતિના ભેદો કરતાં સ્થિતિબંધના અધ્યવસાયસ્થાનો અસંખ્યગુણા છે. કારણકે એક એક સ્થિતિસ્થાન જુદા જુદા અમુક પ્રમાણ સુધીના અસંખ્ય અધ્યવસાયોથી બંધાય છે. એટલે કે એક જ સ્થિતિસ્થાન (એક સરખી સ્થિતિ) અસંખ્ય અધ્યવસાયોથી દ્રવ્ય, ક્ષેત્ર, કાળ, ભાવ, આદિના ભેદે ભેદ થતા હોવાથી અસંખ્ય અધ્યવસાય થાય છે માટે સ્થિતિસ્થાનો કરતાં સ્થિતિબંધના અધ્યવસાય સ્થાનો અસંખ્યગુણા છે. એક સ્થિતિસ્થાન-અસંખ્યાતા અધ્યવસાય, તેથી અસંખ્યાતા લોકાકાશના આકાશપ્રદેશ જેટલા અધ્યવસાયો.
સ્થિતિબંધના અધ્યવસાય સ્થાનો કરતાં અનુભાગના અધ્યવસાય સ્થાના અસંખ્યાતા - અસંખ્યગુણા છે એટલે કે અસંખ્ય અસંખ્ય લોકાકાશના પ્રદેશ જેટલા છે. કારણકે સ્થિતિબંધના અધ્યવસાયમાં કષાય એ મુખ્ય છે. જ્યાર અનુભાગના અધ્યવસાયમાં કષાયસહિત લેશ્યા છે. તેથી કષાય એક હોવા છતાં જુદી જુદી વેશ્યાની ભિન્નતાએ એક કષાયથી બંધાતી એક જ સ્થિતિમાં દ્રવ્ય, ક્ષેત્ર, કાળ , ભાવ અને રસને આશ્રયીને અસંખ્યાતા ભેદ થાય. તેથી એક સ્થિતિબંધના અધ્યવસાયસ્થાન બરાબર અનુભાગના અધ્યવસાયસ્થાનો અસંખ્યાતા થાય છે. સર્વ જીવોના અધ્યવસાયોના ભેદ પાડીએ તો પણ અસંખ્યાતા થાય પણ અનંતા થાય નહિ. રસબંધના અધ્યવસાયસ્થાનો અને રસસ્થાનો સમાન અને અસંખ્યાતા છે. એટલે કે એક રસબંધસ્થાન એક અધ્યવસાયથી બંધાય. એટલે એક રસબંધસ્થાનનું કારણ એક અધ્યવસાય સ્થાન જાણવું. પરંતુ એક સ્થિતિબંધમાં અનેક રસબંધ
૧. એક અંતર્મુહૂર્ત પ્રમાણ સ્થિતિમાં પણ અનેક રીતે રસ બંધાય. એમ દરેક સ્થિતિસ્થાનોમાં એટલે એક સ્થિતિસ્થાનમાં અસંખ્યાતાં રસસ્થાનો જાણવાં.
