Kutchhma Jain Sanskriti Ek Drushtipat

SR No.: 022690
Original Sutra Author: N/A
Author: Nita Thakar
Publisher: Nita Animesh Thakar
Publication Year: 2005
Total Pages: 170
Language: Gujarati
Classification: Book_Gujarati
File Size: 14 MB

Page 161

બાંધકામ પૂર્ણ કરાવ્યું. અને તેની અંજનશલાકા તથા પ્રતિષ્ઠા વિધિ સંવત ૨૦૧૭ ના મહાવિદ-૬, ગુરુવાર તા.૧૮-૨-૧૯૬૦ (કે ૧૯૬૧?) ના મંદદિને. ખરતરગચ્છીય પૂ. ઉપાધ્યાય શ્રી લબ્ધિમુનીજી તથા ગણિવર્ય શ્રી બુધ્ધિમુનિજી અને પ્રેમજી મુનિજી આદિ મહારાજાઓની નિશ્રામાં કરાવેલ. આ જિનાલયના ઉદ્ઘાટક તરીકે કચ્છના મહારાવશ્રી મદનસિંહજીસાહેબ હતાં.૪૯ ઘંટાકર્ણ મહાવીરનું મંદિર ઃ
-
દાદાવાડીમાં શ્રી સંભવનાથ જિનાલયની ડાબીબાજુ લગભગ અગ્નિકોણે શ્રી ઘંટાકર્ણ મહાવીર યક્ષનું પશ્ચિમાભિમુખ નાનું મંદિર આવેલું છે. જેની સ્થાપના સં. ૨૦૧૬ (ઇ.સ. ૧૯૬૦) ના ફાગણ વદ ૬ ગુરુવારે થયેલ. આ જિનાલયમાં ધનુષ્ય બાણધારી અને મુકુટધારી યક્ષ ઘંટાકર્ણ મહાવીરની મૂર્તિ કંડારેલી છે. તેઓ જૈનશાસનનાં રક્ષક દેવ છે. કાનમાં ઘંટ જેવા કુંડળ ધારણ કરેલા છે. શક્ય છે. એટલે જ તે ઘંટાકર્ણ તરીકે જાણીતા હશે. ઉતર ગુજરાતના મહેસાણા જિલ્લામાં મહુડીગામે તેમનું પ્રખ્યાત મંદિર આવેલું છે.૫૦ વિશેષરૂપે ગર્ભદ્વાર બહાર ઘંટ પર પણ શ્લોક વગેરેનું આલેખન છે.
દાદાવાડીમાં ગુરુમંદિરની ડાબીબાજુએ અલગ મંદિર સ્વરૂપે જૈનધર્મના તીર્થધામોની સુંદર આકૃતિઓ કાચની ફ્રેમમાં મૂકવામાં આવેલી છે. જેમાં મુખ્યત્વે : સિધ્ધાચલ મહાતીર્થ, સમેતશિખર તીર્થ, ગિરનારતીર્થ, અષ્ટાપદતીર્થ અને આબુતીર્થનો સમાવેશ થાય છે.૫૧
(૫) આશકરણ દાદાની દેરી -
:
વાણિયાવાડથી દાદાવાડી તરફ જતાં સ્મશાનગૃહની સામે આ સ્થાન આવેલું છે. તેમાં એક મંદિર તથા ત્રણ દેરીઓ આવેલી છે. મંદિર શુદ્ધ હિન્દુ સ્થાપત્યનું બનેલું છે. મંદિરમાં ચરણપાદુકાઓ છે. તેના પર જેટલું વંચાય છે તે પરથી લાગે છે કે તે પાદુકાઓ શ્રી કનકકુશળસૂરિની છે. તેમજ ‘તપગચ્છ’ વંચાય છે. અને સંવત ૧૬૮૫ હોય તેમ લાગે છે. તે મૂળ પાદુકાની આસપાસની ત્રણ દિવાલમાંના ગોખલામાં અન્ય પાદુકાઓ પણ આવેલી છે. તેમાં પૃષ્ઠભાગની દિવાલોનો ગોખલો સિંદુરથી રંગેલ છે. અને ત્રિશુળ દોરેલ છે. તેથી ગોખલો કોઇ દેવીનો હોવાની શક્યતા વધુ જણાય છે. હાલ આ મંદિર તથા દેરીઓનું સંચાલન ‘વિશા ઓશવાળ જૈન ગુર્જર જ્ઞાતિ' હસ્તક છે.પર
૧૪૪
કચ્છમાં જૈન સંસ્કૃતિ - એક દૃષ્ટિપાત