Kutchhma Jain Sanskriti Ek Drushtipat

SR No.: 022690
Original Sutra Author: N/A
Author: Nita Thakar
Publisher: Nita Animesh Thakar
Publication Year: 2005
Total Pages: 170
Language: Gujarati
Classification: Book_Gujarati
File Size: 14 MB

Page 160

૧૯૪૭) માં સ્થાપિત થયેલું દાદાશ્રી જિનકુશલ સૂરિશ્વરજીનું નાનું ગુરુમંદિર છે.૪૬
(૪) દાદાવાડી:
જૂની અસલ દાદાવાડી ભુજીયા ડુંગરની તળેટીમાં હાલ જ્યાં રેલ્વે સ્ટેશન છે તેની પાછળ આવેલી હતી. તે શહેરની બહુ દૂર એકાંતમાં આવેલ હોવાથી તેને ગામ નજીક લાવવામાં આવી. નવી દાદાવાડી નો પાયો ખરતરગચ્છ સંઘના આગેવાન શ્રી હેમચંદ્ર સાકરચંદ શાહના હસ્તે નંખાયો હતો. સંવત ૨૦૦૯ (ઇ.સ. ૧૯૫૩) નાં મહાસુદ ૧૧ ના દિવસે આચાર્યશ્રી જિનરત્નસૂરિજી મહારાજના વરદ્હસ્તે દાદા ગુરુદેવ શ્રી જિનદત્તસૂરિજીની ભવ્યમૂર્તિ તથા દાદા સાહેબશ્રી જિનચંદ્રસૂરિજી તથા દાદા જિનકુશળસૂરિજીની ચરણપાદુકાઓને વિધિપૂર્વક ગુરુમંદિરમાં સ્થાપિત કરવામાં આવી.
દાદાવાડીનાં મુખ્યદ્વારમાં પ્રવેશ કરતાં જ બરાબર સામે આ ગુરુમંદિર છે. તેના ગર્ભગૃહની ઉપર કળા કરતા મોરની સુંદર પ્રતિકૃતિ છે. ગર્ભગૃહની ડાબીબાજુ દિવાલ પાસે શ્રી મહાવીરના નિર્વાણ સ્થળ ‘પાવાપુરી’ની ચાંદીની પ્રતિકૃતિ રાખી છે. તેની બરાબર ઉપર મહાવીરની એક છબી છે.૪૭
શ્રી સંભવનાથ જિનાલય:
દાદાવાડીમાં ગુરુમંદિરની જમણીબાજુએ શ્રી સંભવનાથ પ્રભુનું ભવ્ય જિનાલય છે. પગથિયાની બન્નેબાજુએ સુંદ૨ કલાત્મક સ્તંભો છે. પ્રવેશદ્વાર ૫૨ લક્ષ્મીદેવીની મૂર્તિ છે. મુખ્યપ્રવેશદ્વાર ઉપરાંત બીજા બે દ્વાર પર પણ સરસ્વતી દેવીની પ્રતિમાઓ છે. ગર્ભગૃહની અંદર મૂળનાયક શ્રી સંભવનાથ પ્રભુ તેમજ તેમની જમણીબાજુ શ્રી વિમલનાથ પ્રભુ તથા ડાબીબાજુ શ્રી મહાવીર પ્રભુની પ્રતિમાઓ છે. મહાવીર સ્વામીની પ્રતિમાની બાજુમાં શ્રી પાર્શ્વનાથ પ્રભુની પણ પ્રતિમા બિરાજમાન છે.૪૮ આ જિનાલય વિશે ત્યાં જ સ્થાપિત શિલાલેખો ૫૨થી માહિતી ઉપલબ્ધ થાય છે. જે મુજબ : શ્રી ખરતરગચ્છાચાર્ય શ્રી જિનરત્નસૂરિશ્વરજીના સદ્ઉપદેશથી ભુજના શેઠશ્રી સંઘવી હેમચંદભાઇ હિરાચંદભાઇએ આ જિનાલયનું ખાતમુહૂર્ત સંવત ૨૦૧૦ ના વૈશાખ સુદ ૧૨, તા.૧૪-૫-૧૯૫૪ માં કર્યું અને શિલારોપણવિધિ તા.૨૪-૫-૧૯૫૪માં થઇ. સંવત ૨૦૧૧ નાં ભાદરવા સુદ-૪ ના દિવસે શ્રી હેમચંદભાઇનું અવસાન થતાં તેમના પત્ની દિવાળીબાઇ તથા તેમના પુત્રોએ જિનાલયનું
કચ્છમાં જૈન સંસ્કૃતિ – એક દૃષ્ટિપાત
-
૧૪૩