________________
માટે ઉપકાર કરો. માટે ધર્મ કરો.
એવું કરો કે જેના થકી અન્યને આનંદ થાય. બીજાનું ભલું થાય.
સામાનું શુભત્વ થાય.
શુભ માર્ગી બનો. પુણ્ય માર્ગી બનો. ધર્મ માર્ગી બનો. પુણ્ય કરવું એ ધર્મનો માર્ગ છે.
દુઃખીનાં અશ્રુ લૂંછવા એ ધર્મનો માર્ગ છે.
પીડાગ્રસ્તની પીડા હરવી તે ધર્મનો માર્ગ છે.
જે લોકો લાચાર છે, દુઃખગ્રસ્ત છે, દીનહીન છે, તેમના માર્ગમાં ઉપકારી બનવું, તે ધર્મનો માર્ગ છે.
તેથી હંમેશાં ધર્મ માર્ગને જ અનુસરો. ધર્મ માર્ગ પર જ પગલાં
માંડો.
હિંસા પાપનું કારણ છે. હિંસા પાપ કર્યુ છે. ભયંકર અશુભ કર્મ
છે.
જૈનધર્મમાં અહિંસાની સૂક્ષ્માતિસૂક્ષ્મ વિભાવના છે. જૈન ધર્મમાં ‘અહિંસા’ શબ્દ ખૂબ ગહન અને વિશદ્ છે. જૈન ધર્મ સાંકડા માર્ગ પર ચાલનારો ધર્મ નથી. અહિંસાના સૂક્ષ્મતમ અર્થને તે વિશાળ ફલક પર પથરાવે છે. અને એટલે જ તો આ ધર્મમાં ભૂલથી ય નાના જંતુની પણ આંતરડી ન દુભાય કે એમને વેદના ન થઈ જાય, તેની દરકાર રાખનારા સાધુભગવંતો આ ધર્મમાં છે.
પૂ. શ્રી રવિસાગરજી મહારાજ એ માટે ભાગ્યે જ પોસ્ટકાર્ડ લખતા કે ઃ કદાચ હું પોસ્ટના ડબ્બામાં પોસ્ટકાર્ડ નાખું ને અંદર રહેલા કોઈ સૂક્ષ્મજીવ પર તે પડતાં તેને વેદના થાય તો ? તો તો પાપકર્મ બંધાઈ
જાય.
કહો, જે ધર્મમાં અહિંસાની આવી સૂક્ષ્મ વિભાવના ધરાવનારા સાધુભગવંતો હોય, તે ધર્મનું સેવન કરનાર શ્રાવક કે શ્રાવિકા પાપમાર્ગે સંચરણ કેવી રીતે કરી શકે ? એટલે જ જૈનધર્મ જગતના ચોકમાં ખૂબ ઉન્નત મસ્તકે ઊભો છે ને ઉન્નતિનાં દ્વાર તો ત્યારે જ ખૂલે છે કે જ્યારે ઉપકાર કરવા પૂર્વક ધર્મનું આચરણ થયું હોય !
હિંસા પાપ છે. અશુભ કર્મ છે. એની આકરી સજા છે. ને એ સજામાંથી કોઈ છટકી શકતું નથી.
માટે પાપકર્મથી અળગા રહો. અશુભ કર્મથી અળગા રહો. પુણ્ય કર્મ કરો. ધર્મને અનુસરો. ને સુખને પામો.
૫૮
