________________
દર્શનસ્વરૂપ આત્મા છે. જ્ઞાનસ્વરૂપ આત્મા છે. ચારિત્રસ્વરૂપ
આત્મા છે.
આમ આત્મા જ શુદ્ધપર્યાયવાન્ પ્રભુ છે. આત્મજ્ઞાની જ સાચો જ્ઞાની છે. આત્માને જાણનારા જ પ્રભુને જાણનારા છે.
આત્મવાન્ ચારિત્રવાન છે. જ્ઞાનવાન્ છે. દર્શનવાન્ પણ છે. આત્મજ્ઞાની સકલજ્ઞાની છે. પ્રભુત્વને જાણનારો છે. मंत्रयोगस्वरूपाऽऽत्मा, जैनधर्मः सनातनः । યંત્ર તંત્ર સ્વરૂપોસ્ત, નૈનધર્મઃ સતાં મતઃ ॥ જૈનધર્મ તો સત્પુરુષોને માન્ય એવો ધર્મ છે. જૈનધર્મમાં પડેલા અમૂલ્ય ગુણરત્નોને કારણે એક ચોક્કસ ઊંચાઈ પર તે ઊભો છે. સૂક્ષ્માતિસૂક્ષ્મ ભાવો પર જૈનધર્મ નજર રાખે છે.
૨ ॥
અહિંસાની વાત હોય
કે દયાની વાત હોય કે ચારિત્રની વાત હોય કે રાગાત્મક ભાવોની વાત હોય.
જૈન ધર્મ સૂક્ષ્મદ્રષ્ટિ ધર્મ છે.
એ ચલાવી લેતો નથી. કશું જ છોડતો નથી. મનુષ્યને એ ભાવાત્મક અનુસંધાનથી જોડે છે. ઉત્તમોત્તમ ગુણોથી સાંકળે છે.
જૈનધર્મ રત્નસાગર છે. અલબત્ત એ ગુણોના રત્નો છે. જૈનધર્મ સ્વીકાર્યા પછી ક્યાંય કશું જ ચલાવી ન લેવાય. કશું જ છોડાય નહિ. કોઈ વિકલ્પ નહિ. કોઈ છટકબારી નહિ. જગતમાં મોટા ભાગે એવું જોવા મળે છે કે નિયમની સાથે જ છટકબારીઓ પણ સર્જી દેવામાં આવે છે.
મુખ્ય દ્વારે થઈને નહિ. તો બારીમાં થઈને છટકો. છિદ્રમાં થઈને પલાયન કરો.
જૈનધર્મ છિદ્રાળુ ધર્મ નથી. છિદ્રનું તે અસ્તિત્વ જ રાખતો નથી. ન બારી, ન છિદ્ર. ન દ્વારમાં, ન દિવાલમાં.
એક અકબંધ અને અનન્વયભાવી ધર્મ છે જૈન ધર્મ.
૧૬૯
