________________
મનને મલિનતા વળગે છે, આત્માને નહિ. મનને રાગભાવ અસર કરે છે, આત્માને નહિ.
સર્વ નકારાત્મક ભાવો અને સર્વ મોહાત્મક ભાવો મનને મલિન બનાવી શકે છે.
આત્મા સદા શુદ્ધ છે. પરમ શુદ્ધ છે. વિશુદ્ધ છે. એ મલિન બનતો નથી. આત્મા પ્રકાશમાન છે. એમાં અંધકાર વસતો નથી. આત્મસૂર્યના અજવાળે આ વિશ્વ પ્રકાશમાન છે. તો પછી એમ કરો. આત્મામાં મનનો લય કરો.
પંચપરમેષ્ઠીનું આલંબન લો. એથી ચિદાનંદનો ઉદધિ એવો આત્મા પ્રત્યક્ષ માણવા યોગ્ય થાય છે.
નિરવધિ આનંદનો સાગર છે આત્મા. ચિદાનંદનો મહાસાગર છે આત્મા. એ આત્મામાં મનનો લય કરો. મનને આત્મમય બનાવો. આનંદની ભરતી ચઢશે. ચિદાનંદના તરંગો ઉછળશે. માણવા યોગ્ય છે આત્મઉદધિ. ॐकार: परमाऽऽत्मैव, परमेष्ठिस्वरूपवान् । दर्शनज्ञानचारित्रशुद्धपर्यायवान्प्रभुः ॥१५१ ॥ પરમ આત્મા જ કાર છે. આત્મા બલિષ્ઠ છે. સર્વ શક્તિવાન છે. સર્વગુણ સંપન્ન છે. વિકારવિહીન અને માલિન્યવિહીન છે. પરમ પ્રકાશમાન છે. પ્રકાશમાન સૂર્ય સમાન છે.
આત્માને ઓળખવો અઘરો છે પણ જે ઓળખી લે છે, તેને તેના વિરાટ વિશાળ સ્વરૂપનાં દર્શન થાય છે. આત્મજ્ઞાન લાધે છે.
આત્મજ્ઞાનથી ઊંચુ કોઈ જ્ઞાન નથી. આત્મજ્ઞાન ગહન જ્ઞાન. સર્વદેશીય જ્ઞાન જગતની ભાવસ્થિતિ વિષેની સાચી સમજણ. આત્મા પરમેષ્ઠી સ્વરૂપ છે. આત્મા જ બ્રહ્મ છે. આત્મા જ પ્રભુ છે.
૧૬૮
