________________
મારવાની ને કાપવાની વાતો કરે છે. હણવાની વાતો કરે છે. હરાવવાની વાતો કરે છે. જગત જાણે યુદ્ધભૂમિ બની ગયું છે. કોઈના હાથમાં હથિયાર છે. કોઈએ મુષ્ટિ ઉગામી છે. કોઈએ નખ વધાર્યા છે. કોઈની આંખો ક્રોધથી રાતીચોળ છે.
જૈનધર્મમુષ્ટિવડે કોઈને હણવાને બદલે એ જ મુષ્ટિવડે કેશ લોચ કરવાની વાત કરે છે.
કોઈને જીતવાની નહિ, કોઈ થકી જીતાવાની વાત કરે છે. કોઈને મારવો સરળ છે. કોઈને જીવાડવો સરળ નથી. કોઈનો પ્રાણ લેવો સરળ છે. કોઈને પ્રાણ બક્ષવો સરળ નથી. જૈનધર્મ જીવાડવાની વાત કરે છે. પ્રાણ બક્ષવાની વાત કરે છે. જીવન બક્ષવાની વાત કરે છે.
અહિંસા સત્ય છે. સત્ય યજ્ઞ છે. હિંસા અસત્ય છે. પાપ છે. પાપની પરાકાષ્ઠા છે.
જૈનધર્મી સાધુ ભગવંતો પોતાની દેશના દ્વારા જગજ્જનોને અહિંસાનો - જીવદયાનો પ્રતિબોધ કરે છે.
જગતને જીવાડવાની જડીબુટ્ટી છે અહિંસા. " જગતને જીવવા લાયક બનાવવાની જડબુટ્ટી છે અહિંસા.
જીવદયા. સમતાભાવ. સર્વ પ્રત્યે પ્રેમ ભાવ. વિશ્વબંધુત્વ. સમરસતા.
જગતમાં ઠેર ઠેર, સ્થાને સ્થાને જૈન સાધુ ભગવંતો વિચરણ કરે છે. કારણ કે તેઓ અહિંસારૂપ સત્યયજ્ઞના અધિકારી કર્તા છે. સાચા કર્તા છે.
જીવ નાનો હોય કે મોટો. સૂક્ષ્મ જંતુરૂપ હોય કે વિશાળકાય. કોઈને કોઈનું હનન કરવાનો અધિકાર નથી. જીવાડવાનો અધિકાર છે.. પ્રેમના પારસમણિનો સ્પર્શ કરવાનો અધિકાર છે.
જીવો અને જીવવા દો'ની ભાવના જૈનધર્મ ચરિતાર્થ કરે છે. તેથી અહિંસા જ સત્ય યજ્ઞ છે.
એના કર્તા જૈન સાધુઓ આ જગતને વિષે સ્થાના સ્થાન પર વિચરી રહ્યા છે ને સૌને પ્રતિબોધ પમાડી રહ્યા છે.
૧૩૨
