________________
ધર્મ અને પુણ્ય એક જ સિક્કાની બે બાજુઓ સમાન છે. ધર્મ હંમેશાં પુણ્યમાર્ગી બનાવે છે મનુષ્યને. પાપનો છેદ કરે છે. યોગી ધર્મમાર્ગી છે. ધર્મના પ્રકાશક છે. ધર્મના પ્રસારક છે. તેમની બુદ્ધિ સદૈવ ધર્મમાં સ્થિર થયેલી હોય છે. યોગી સાચો જ્ઞાની છે.
તેને જીવનનું જ્ઞાન છે. ધર્મનું જ્ઞાન છે. પાપનું જ્ઞાન છે. પુણ્યનું જ્ઞાન છે.
અને તેથી જ તો તે પોતાના જીવનમાં પાપનો ક્ષય કરે છે, પુણ્યને વધારે છે ને આમ પુણ્યકર્મ કરતો રહેતો હોવાથી તે સાચા અર્થમાં ધર્મનો પ્રકાશ ફેલાવનાર છે.
?
ज्ञानिनो नैव लिप्यन्ते, कदाचित्पुण्यकर्मभि: । तथापि ते तु सर्वेषां भवन्ति सुखहेतवे ॥ ८१ ॥ ભગવાન શ્રી નેમિનાથ જિનેન્દ્ર દ્વારિકાપુરીમાં આવ્યા છે. દ્વારિકાપુરીમાં તેમનું આગમન સહેતુક છે.
જગત્પ્રભુનું કોઈપણ કાર્ય વિશાળ અર્થમાં કલ્યાણકારી જ હોય છે. માત્ર કલ્યાણકારી જ નહિ, જ્ઞાનવર્ધક અને પ્રેરક પણ હોય છે.
દ્વારિકાપુરીમાં તેઓ શ્રી કૃષ્ણ વાસુદેવને પ્રતિબોધ પમાડવા આવ્યા છે. તેઓ શ્રી કૃષ્ણ વાસુદેવને આત્મા, ધર્મ, તત્ત્વજ્ઞાન, મોક્ષ, પાપ, પુણ્ય વગેરે વિવિધ બાબતો પ્રતિબોધ પમાડે છે. તેઓ જ્ઞાનીની વાત કરે છે. જ્ઞાની ક્યારેય પણ પુણ્યકર્મથી લેપાતા નથી. જ્ઞાનીનું ધ્યેય સર્વનું સુખ છે. સર્વનું કલ્યાણ છે. જ્ઞાની શુભ પંથનો યાત્રી છે.
જે સારું છે, સાચું છે, શુભ છે, હિતકારી છે અને વિશાળ અર્થમાં સર્વને સુખ પમાડનાર છે, ને જ્ઞાન વડે તે જુએ છે અને તે પ્રમાણે તેને અનુસરે છે.
પુણ્યકર્મથી જ્ઞાની ક્યારેય પણ લેપાતો નથી.
તેમ છતાં પણ તે સર્વને માટે જગતમાં સર્વ જીવો માટે સુખ રૂપ
બને છે.
સુખનું કારણ બને છે. સુખનું નિમિત્ત બને છે.
૮૯
