________________
પાપી. અને પુણ્યાત્મા. શેતાન. અને સાધુ. દુર્જન, અને સર્જન,
આમ એકમેકથી તદ્દન વિરોધાભાસી પ્રકૃતિ ધરાવતા જીવાત્માઓથી ભર્યું ભર્યું છે આ જગત.
ડૉ. જેકીલ. એન્ડ હાઈડ. માનવીનો પાપી ચહેરો. અને પુણ્યકર્મી ચહેરો.
એક સતત પાપ કર્મમાં નિમગ્ન રહે છે. પાપમાં ખૂંપી જાય છે. પાપમાં ડૂબેલો રહે છે. ને પાપને આનંદ માને છે.
બીજો પુણ્યકર્મી છે. દોષથી તે દૂર રહે છે. દુરાયારથી તે અળગો રહે છે. થાય તેટલાં સત્કાર્યો તે કરે છે. થાય તેટલાં સમીતે કરે છે... થાય તેટલું પુણ્ય તે કરે છે.
આ જગતમાં જીવોને પુણ્યકર્મો વડે જ સ્વર્ગગતિ થાય છે. પાપથી અધોગતિ થાય છે. ધર્મથી મોક્ષ પ્રાપ્ત થાય છે.
અધર્મથી - પાપથી - કુકર્મથી નરકવાસી બને છે ને દુઃખપૂર્ણ યાતનાઓ ભોગવે છે.
पुण्यपापक्षयान्मुक्ति, भवेन्निर्लेपयोगिनाम् । पुण्यकर्माणि कुर्वन्सन् , ज्ञानी धर्मप्रकाशकः ॥८० ॥ યોગીઓ નિર્લેપ હોય છે. તેઓ જલકમલવતુ પરમાત્માના ધ્યાનમાં રહે છે. પૂર્વભવનાં પાપનો ધીરે ધીરે ક્ષય થાય છે.
પુણ્યનો પણ ક્ષય થાય છે. તેઓ મુક્તિને પામે છે. આત્મા મુક્ત બને છે.
હા, તેઓ જરૂર પુણ્ય કર્મ કરે છે. આ જગતમાં તેમના વિહરવાનો હેતુ કેવળ પુણ્ય જ હોય છે. તેઓ સતત પુણ્ય કરતા રહે છે.
ધર્મ સદેવ પુણ્યનું પરિણામ છે. ધર્મ પુણ્યકર્મનો પ્રેરક છે.
તેઓ ધર્મના પ્રસારમાં સતત કાર્ય કરે છે. પુણ્યકર્મો કરે છે, જે ધર્મનો પ્રકાશ ફેલાવે છે.
૮૮
