________________
અનેક ભ્રષ્ટતત્ત્વો કીડાની જેમ ઊભરાય છે. પ્રપંચ જાળ સમસ્ત જગતમાં પથરાઈ ચૂકી છે. જગતનો સ્વભાવ છીછરો બન્યો છે ને હલકી સપાટી પર એ તરવા લાગ્યો છે. જૂઠી એષણાઓ, દુષ્કર્મો, સમાજવિરોધી પ્રવૃત્તિઓ અને માનવ માટે કલંક સમાન દૂષણો - આ બધાથી જગત રૂપી સમુદ્ર છલકાઈ રહ્યો છે.....
કોણ ઉગારે જગતના માનવીને ? કોણ બચાવે એને તેમાંથી? બચાવી શકશે માત્ર ધર્મ. ધર્મનું આલંબન સ્વીકારીને જ માણસ આ બધી કાલિમામાંથી હેમખેમ બહાર નીકળી શકે તેમ છે. ધર્મો તો અનેક છે અને દરેક ધર્મમાં વિવિધ પ્રકારે ઉત્તમ તત્ત્વો પડેલાં છે. પણ આ બધામાં સનાતન જૈનધર્મ સર્વ પ્રકારનાં ઉત્તમ લક્ષણોથી લક્ષિત છે.
ધર્મનો અર્થ શો ?
ઉત્તમ લક્ષણોથી લક્ષિત વસ્તુનો સ્વભાવ તે ધર્મ.
જૈનધર્મ જગતને દિવ્ય અને સત્ય માર્ગ ચીંધી શકે તેમ છે.
सत्यान्नास्ति परो धर्मो, जिनोक्तं सत्यमेव तु । सत्यात्परो जयो नास्ति, जयः सत्यात्प्रजायते ॥ ७७ ॥
શ્રી નેમિનાથ પ્રભુએ આ શ્લોકમાં સત્યની મહત્તા સમજાવી છે. શ્રી કૃષ્ણ વાસુદેવને દ્વારિકાનગરીમાં પ્રતિબોધ પમાડતાં તેઓ સત્યને પ્રતિષ્ઠિત કરે છે.
સત્ય એટલે સત્ય, સત્યનો કોઈ વિકલ્પ નથી.
ધર્મના પાયામાં સત્ય નિહિત છે. સત્ય જ શ્રેષ્ઠ છે.
સત્ય જેવો અન્ય કોઈ શ્રેષ્ઠ ધર્મ નથી. સત્ય ધર્મનો પર્યાય છે. સત્યથી અલગ રહીને કોઈ પણ ધર્મ તેનું સાચું ઓજસ પ્રગટાવી શકે નહિ.
સત્ય અને અસત્ય.
સત્યની સામે દંભ, પ્રપંચ, અસત્ય અને અધર્મ ઊભાં છે.
અસત્ય જરૂર ચળકતું હશે પણ એનો ચળકાટ ક્ષણજીવી છે. એ ઉપર છલ્લો ચળકાટ ઊડી જતાં વાર નથી લાગતી. ધર્મ સત્ય દ્વારા જગતમાં પ્રકાશે છે. જે ધર્મમાં સત્ય નથી, તે ધર્મ અલ્પ જીવી હોય છે. અથવા માત્ર ધર્મનો દંભ જ હોય છે. આભાસ માત્ર જ છે.
જ
૮૩
