________________
તેઓ કહે છે કેઃ
જેઓ આસુર પ્રકૃતિનો જય કરે છે, આસુર પ્રવૃત્તિ પર વિજય પ્રાપ્ત કરે છે, તે આત્મા સુર દેવ કહેવાય છે.
દેવોને આસુરી દુર્ગુણોનો નાશ કરનારી શૂરવીરતા પૂર્ણ હોય છે. આસુરતના નાશને લીધે જ દેવત્વ પ્રગટે છે.
સાચા શૂરવીર એ નથી કે જે યુદ્ધમાં હજારો માણસોને મારી નાખે અથવા જીતી લે.
સાચો શૂરવીર એ પણ નથી કે અન્યની વિપુલ સંપત્તિને પોતાની બનાવી દે.
સાચો શૂરવીર એ પણ કદાપી નથી કે જે અન્યના વિશાળ સામ્રાજ્યને જીતી લે.
સાચો શૂરવીર તો આસુરી દુર્ગુણો પર વિજય મેળવનાર છે સાચો શૂરવીર તો મોહ પર વિજય પ્રાપ્ત કરનાર છે. ' મોહ વિજય મેળવનાર દેવો જ સાચી શૂરવીરતા ધરાવે છે.
આ જગતમાં માનવ વિકાસમાં અંતરાયરૂપ કોઈ હોય તો તે છે મોહ મોહ અંધત્વ પેદા કરે છે ને મોહનું અંધત્વ વિનાશનું કારણ બને છે, જે અંતે સર્વ નાશમાં પરિણમે છે. -
દેવો આસુરતનો નાશ કરનારી શૂરવીરતા ધરાવે છે. विश्वलोकानुकूलोऽस्ति, जैनधर्मः सनातनः। . वस्तुस्वभावधर्मोऽस्ति, सर्वलक्षणलक्षितः ॥ ७६ ॥
જૈનધર્મસનાતન ધર્મ છે...ને શ્રેષ્ઠ ધર્મ માટે જે ઉત્તમ તત્ત્વો હોવાં જોઈએ, તે સર્વ જૈનધર્મમાં પડેલાં છે. આ વિશ્વને અનુકૂળ છે જૈનધર્મ.
જૈનધર્મ તેનામાં રહેલા શ્રેષ્ઠ સિદ્ધાન્તોથી લક્ષિત છે. આ વિશ્વમાં ધર્મ જ તારક છે.
જગત આખુ અનેક પ્રકારના દૂષિત તત્ત્વોથી ભરાયેલું છે. એમાં ય આજે તો વ્યસનોથી માંડી સંસ્કૃતિની ભવ્યતાનો વિનાશ કરે તેવી અનેકવિધ પ્રવૃત્તિઓથી જગત આખુખદબદે છે. અથવા એમ જ કહો કે કલિયુગનો પ્રભાવ પૂર્ણકળાએ પથરાઈ ચૂક્યો છે.
માણસ માણસનો વેરી બન્યો છે.
૮૨
