________________
ताणि चेव गहित्थाणं, वयाणि बारसे वय । चारित्ततुरगेणऽप्पा, मोक्खदुग्गं खु निज्जए ॥३८१।। गिहिव्वयवसहेहिं, देवलोगेसु निज्जए । देवलोगसयासाओ, मोक्खो अईव दुल्लहो ॥३८२॥ ता सव्वहा जईयव्वं, तम्मि कम्मम्मि निम्मले । मोक्खसोक्खंमि संपुण्णं, आसाएह जहा फलं ॥३८३॥ सामिणो देसणं एयं, सुच्चा संसारतारयं । एगे गिण्हंति पव्वज्जं, अणवज्जं सया वि हु ॥३८४।। अन्ने य नियसद्धाए, गिहिव्वयाइं बारस । अवरे उण सम्मत्तं, सव्वधम्मधुरंधरं ।।३८५।। तओ य दत्तप्पमुहा, साहवो बहवो कया । सुमिणापभिईओ अ, साहुणीओ अणेगआ ॥३८६।। सावयवयसंलीणा, सावया साविया तहा । एवं चउव्विहो संघो, जाओ अट्ठमसामिणो ॥३८७।। तो तिण्णवइसंखाणं दत्ताईणं मुणीण हि । पुव्वज्जियगणहरकम्माणं सुमईण य ॥३८८।। उप्पत्ती विगमो धुव्वमिई पुण्णं पयत्तयं । अक्खेइ सययं [सयं] सामी, चंदप्पहजिणेसरो ॥३८९।। सचउदसपुव्वाणि, बारसंगाणि ते कमा । पयत्तयणुसारेण, निम्मवंति मुहत्तओ ॥३९०॥ अह गिण्हित्तु देविंदो, दिव्वचुण्णसुभायणं । देवविदेहिं संजुत्तो, सामिपायंतमागओ ॥३९१।। सामी उठ्ठित्तु एएसिं, गणहराण मत्थए । चुण्णक्खेवं कुणेमाणो, सुत्तत्थोभयगेहिं य ॥३९२।।
चतुर्विधसङ्घस्थापना।
३०५
