________________
महसेणो महाऽऽणंदपरिपुण्णसरीरओ । पहुजम्मूसवं बारदिवसाणि वहेइ सो ॥१६५।। मायाइ गब्भगे अस्सि, चंदपाणस्स डोहलो । जाओ त्ति चंदप्पहु त्ति, पियरो दिति नामयं ॥१६६।। सक्कसंकमियं सामी, नियंगुढे रसामियं । तं पिबेइ जहिच्छाए, नीकतोयं व रुक्खओ ।।१६७।। सक्काइट्ठा उ देवीओ, पंचधाईपयं गया । तस्स पासं न मिल्लंति, समिइ व्व महामुणी ॥१६८।। चत्तसेयमलदेहो, धवलमंससोणिओ । अदिस्साहारनीहारो, सुगंधमुहमारुओ ॥१६९।। वज्जरिसहनारायदेहो चंदसुलंछणो । कमा अट्ठमतित्थेसो, बीया चंदु व्व वट्टए ॥१७०।। वयवुड्डीए सद्धाए, रूवलायण्णकोसला । सामिणो सह वडंति, किरणा रविणो जहा ।।१७१।। तथाहि- जोवणे पि पया रत्ता, उण्हा समतला तहा । कोमला अस्सेयकंपा, चकंकुसाइलंछिया ॥१७२।। वत्तुलो मंसलो तुंगो, भुजंगमफणोवमो । अंगुट्ठो पहुणो जत्थ, मणि व्व रेहए नहो ॥१७३।। नीरंधा सरला नंदावत्तंका अंगुलीउ से । पहुलो वटुलो पण्ही, गूढा गुप्फा य सामिणो ॥१७४।। उवरिं आणुपुव्वीए, कुम्मो व्व उन्नया पया । अप्पयाससिरा निद्धा, लोमहीणा जगेसिणो ॥१७५।। एणीए सरिसा जंघा, वट्टला कममंसला । पुण्णेंदुवट्टलं जाणुजुगं मंसेण पूरियं ॥१७६।।
स्वामिनोऽङ्गलक्षणानि ।
२८७
