Page Text
________________
105
THE WAR OF THE CROWS AND THE OWLS. Book III. Tale v: Brahman, goat, and three rogues.
Frame-story.
स्कन्धे करिष्यामि । यावदन्यौ द्वौ धूर्ती संप्राप्तौ । ताभ्यामपि ब्राह्मणो ऽभिहितः । ब्रह्मन् । किमिदमसदृशं व्यवसितम् । यज्ञो, पवीतमक्षमाला कमण्डलुस्त्रिपुण्ड्रकं स्कन्धे च श्वा विधुरम् ।
अथवा शशमृगसूकरव्यापादने नूनमयं कुशल इति । एवमुक्त्वा तावतिक्रान्ती । ब्राह्मणस्तु जिज्ञासया पशुं भूमौ निक्षिप्य सुनि• पुणं कर्णशृङ्गवृषणपुच्छादीनवयवान्परामृश्याचिन्तयत् । मूर्खास्ते। कथमिमं श्वानमिवावधारयन्ति । पुनः स्कन्धेनादाय प्रायात् । अथान्यैस्त्रिभिरभिहितो ब्राह्मणः । न त्वया स्पष्टव्या वयमिति । • एकपार्श्वन गम्यताम् । यत्कारणम् । शुचिरसि लिङ्गमात्रेण । ब्राह्मण । श्वसंपर्कानूनं व्याधी भविष्यसि । इत्युक्त्वापकान्ताः ।
अथासौ ब्राह्मणश्चिन्तयामास । किमिदमापतितम् । अथवा यती 19 बहुत्वम् । तत्प्रमाणम् । दृश्यन्ते च लोके विपरीतानि । कदाचिदयं श्वरूपी राक्षसः स्यात् । किम् । अस्य शक्यं स्वरूपं कर्तुमिति । एवं संप्रधार्य भूमौ निक्षिप्यानवलोकयन्नेव प्रायात्प्रायश्चित्तभ15 यात् । तैरपि भक्षितो ऽसौ पशुरिति ।
A 218
A219
अतो ऽहं ब्रवीमि । बहवो ऽबलवन्तश्चेति । तत् । देव । अस्ति किंचिद्वक्तव्यम् । तच्चावधार्य यथोक्तमनुष्ठेयम् । सो ऽब्रवीत् । तात । अथ किम् । चिरजीव्याह । 18 देव। मां विगतपक्षं कृत्वाहाचैरसृग्भिरभ्युच्यास्मान्यग्रोधपादपात्प्रक्षिप्यापयानं कृत्वर्ण
मूकपर्वते सपरिवारस्तिष्ठ । यावदहं तान्सपत्नाञ्छास्त्रप्रणीतेन विधिना दक्षिणाशामुखान्कृत्वा कृतार्थः पुनस्त्वत्सकाशमागच्छामि । न च त्वया मदीयचिन्ता कार्या । 21 तथा चानुष्ठिते ऽस्तं गते सवितर्यसावपमर्दः स्वसैन्यपरिवारस्तमेव न्यग्रोधमवरूढः । न च तच कंचिदपि वायसं पश्यति । शिखरगतश्चाचिन्तयत् । क्व ते शत्रवो गता इति । अथ चिरजीवी क्षितितलगत एवं चिन्तयामास । यद्येते शत्रवो ऽनुप4 लब्धवृत्तान्ता एवापयान्ति । ततो मया किं कृतं भवति । उक्तं च ।
अनारम्भस्तु कार्याणां प्रथमं बुद्धिलक्षणम् । आरब्धस्यान्तगमनं द्वितीयं बुद्धिलक्षणम् ॥ ७० ॥
| SR No. | 022630 |
| Book Title | Panchatantra Tantrakhyayika |
| Original Sutra Author | N/A |
| Author | Johannes Hertel |
| Publisher | Harvard University Press |
| Publication Year | 1915 |
| Total Pages | 164 |
| Language | Sanskrit, English |
| Classification | Book_Devnagari & Book_English |
| File Size | 10 MB |