________________
४०
विवागसुयांस [९५"जम्हा णं अम्हं इमे दारए जायमेत्ते चेव सगडस्स हेट्ठा ठाविए, तम्हा णं होउ णं अम्हं एस दारए सगडे नामेणं"। सेसं जहा उज्झियए । सुभद्दे लवणसमुद्दे कालगए, माया वि कालगया । से वि सयाओ गिहाओ निच्छुढे । तए णं से सगडे दारए सयाओ गिहाओ निच्छुढे समाणे सिंघाडग... तहेव जाव सुदरिसणाए गणियाए सद्धिं संपलग्गे यावि होत्था ॥९५॥
तए णं से सुसेणे अमञ्चे तं सगडं दारगं अन्नया कयाइ सुदरिसणाए गणियाए गिहाओ निच्छुभावेह,२ सुदरिसणियं गणियं अन्भिन्तरियं ठावेइ, २ सुदरिसणाए गणियाए सद्धिं उरालाई माणुस्सगाई भोगभोगाइं भुञ्जमाणे विहरइ ॥१६॥
तए णं से सगडे दारए सुदरिसणाए गणियाए गिहाओ निच्छूढे समाणे अन्नत्थ कत्थ विसुई वा...अलभमाणे अन्नया कयाइ रहसियं सुदरिसणागेहं अणुप्पविसइ,२ सुदरिसणाए सद्धिं उरालाई भोगभोगाई भुञ्जमाणे विहरइ ॥९७॥
इमं च णं सुसेणे अमचे पहाए जाव विभूसिए मणुस्सवग्गुराए जेणेव सुदरिसणाए गणियाए गेहेतेणेव उवागच्छइ, २ सगडं वारयं सुदरिसणाए गणियाए सद्धिं उरालाई भोगभोगाइं भुञ्जमाणं पासइ, २ आसुरुत्ते जाव मिसिमिसेमाणे तिवलियं भिडिं निडाले साहट्ट सगडं दारयं पुरिसेहि गिण्हावेइ, २ अट्टि जाव °महियं करेइ,२ अवओडयबन्धणं करेइ, २ जेणेव महचन्दे राया तेणेव उवागच्छह,२ करयल जाव एवं वयासी-“एवं खलु, सामी, सगडे दारए ममं अन्तेउरंसि अवरद्धे"। तए णं से महचन्दे राया सुसेणं अमञ्चं एवं क्यासी-"तुमं चेव णं, देवाणुप्पिया, सगडस्स
