________________
विवागसुयंसि [६८तए णं तीसे खन्दसिरीए भारियाए अन्नया कयाइ तिण्हं मासाणं बहुपडिपुण्णाणं इमे एयारवे दोहले पाउन्भूए“धन्नाओ णं ताओ अम्मयाओ जाओ णं बहूहि मित्तनाइनियगसयणसंबन्धिपरियणमहिलाहिं अन्नाहि य चोरमहिलाहिं सद्धिं संपरितुडा ण्हाया कयबलिकम्मा जाव °पायच्छित्ता सव्वालंकारविभूसिया विउलं असणं पाणं खाइम साइमं सुरं च मजं च आसाएमाणी विसाएमाणी विहरन्ति। जिमियभुत्तुत्तरागयाओ पुरिसनेवत्थिया संनद्धबद्ध जाव °गहियाउहप्पहरणा भरिएहिं फलरहिं निकिट्ठाहिं असीहिं अंसागएहिं धणूहिं समुक्खित्तेहिं सरेहिं समुल्लालियाहिं दामाहिं लम्बियाहि य ओसारियाहिं ऊरुघण्टाहिं छिप्पतूरेणं वजमाणेणं २ महया उकिट्ट जाव समुद्दरवभूयं पिव करेमाणीओ सालाडवीए चोरपल्लीए सव्वओ समन्ता ओलोएमाणीओ २ आहिण्डमाणीओ दोहलं विणेन्ति । तं जइ अहं पि जाव दोहलं विणिजामि" त्ति कट्ट तंसि दोहलंसि अविणिजमाणंसि जाव झियाइ ॥ ६८ ॥
तए णं से विजए चोरसेणावई खन्दसिरिभारियं ओहय जाव पासइ, २ एवं वयासी-"किं गं तुमं, देवाणुप्पिया, ओहय जाव झियासि ?" तए णं सा खन्दसिरी विजयं एवं वयासी-"एवं खलु, देवाणुप्पिया, मम तिण्हं मासाणं जाव झियामि"। तए णं से विजए चोरसेणावई खन्दसिरीए भारियाए अन्तिए एयमढे सोच्चा निसम्म खन्दसिरिभारियं एवं वयासी-"अहासुहं, देवाणुप्पिय" त्ति एयमटुं पडिसुणेइ ॥ ६९॥ १ Cp. दाहाहिं. अन्यत्रं तु डावाहिं इति दृश्यते.
