________________
६७ ]
अभग्ग सेणे
२९
अपरिभूए अहम्मिए जाव दुष्पडियाणन्दे । तस्स णं निन्नयस्स बहवे पुरिसा दिन्नभइभत्तवेयणा कल्लाकाल कुद्दालियाओ य पत्थियपिडए य गिण्हन्ति, २ पुरिमतालस्ल नयरस्स परिपेरन्तेसु बहवे काइअण्डए घूइअण्डए पारेवइअण्डर टिट्टिभअण्डर खग्गिअण्डए मयूरिअण्डप कुक्काडअण्डए य अन्नेसिं च बहूणं जलयरथल यरखहयरमाईणं अण्डाई गेण्हन्ति, २ पत्थियपिडगाई भरेन्ति, २ जेणेव निन्नयए अण्डवाणियए तेणामेव उवागच्छन्ति, २ निन्नयस्स अण्डवाणियस्स उवणेन्ति ॥ ६५ ॥
तए णं तस्स निन्नयस्स अण्डवाणियस्स बहवे पुरिसा दिन्नभइभत्तवेयणा बहवे काइअण्डए य जाव कुक्कुडिअण्डए य अन्नेसिं च बहूणं जलयरथलयरखहयरमाईणं अण्डयए तवसु य कवल्ली य कन्दुपसु य भजणएसु य इङ्गालेसु य तलेन्ति भजेन्ति सोलेन्ति २ रायमग्गे अन्तरावणंसि अण्डयपणिएणं वित्ति कप्पेमाणा विहरन्ति । अप्पणा यवि णं से निन्नए अण्डवाणियए तेहिं बहूहिं काइअण्डरहि य जाव कुक्कडिअण्डरहि य सोल्लेहि य तलिएहि य भजि - एहि य सुरं च... आसाएमाणे विसाएमाणे विहरइ ॥ ६६ ॥
तणं से निन्नए अण्डवाणियए एयकस्मे ४ सुबहु पावकम्मं समजिणित्ता एगं वाससहस्सं परमाउयं पालइत्ता कालमासे कालं किच्चा तच्चाए पुढवीए उक्को ससत्तसागरोवमठिइएस नरएसु नेरइयत्ताए उववन्ने । से णं तओ अणन्तरं उव्वट्टित्ता इहेव सालाडवीए चोरपल्लीए विजयस्स चोरसेणावद्दस्स खन्दसिरीए भारियाए कुच्छिसि पुत्तत्ताए उववन्ने ॥ ६७ ॥
