________________
२८
विवागसुयंसि
[६३बहवे हत्थी पासह, बहवे आसे, पुरिसे संनद्धबद्धकवए । तेसिं णं पुरिसाणं मझगयं एगं पुरिसं पासइ अवओडय जाव उग्धोसिजमाणं । तए णं तं पुरिसं रायपुरिसा पढमंसि चश्वरंसि निसीयावेन्ति,२ अट्ट चुलप्पियए अग्गओघाएन्ति, २ कसप्पहारेहिं तालेमाणा२ कलुणं कागणिमंसाई खावेन्ति, २ रुहिरपाणियं च पाएन्ति । तयाणन्तरं च णं दोच्चंसि चञ्चरंसि अट्ट चुल्लमाउयाओ अग्गओ घाएन्ति । एवं तश्चे चञ्चरे अट्ठ महापिउए, चउत्थे अट्ट महामाउयाओ, पञ्चमे पुत्ते, छट्टे सुण्हा, सत्तमे जामाउया, अट्ठमे धूयाओ, नवमे नत्तुया, दसमे नत्तुईओ, एक्कारसमे नत्तुयावई, बारसमे नत्तुइर्णाओ, तेरसमे पिउसियपइया, चोहसमे पिउसियाओ, पन्नरसमे माउसियापइया, सोलसमे माउसियाओ, सत्तरसमे मासियाओ, अट्ठारसमे अवसेसं मित्तनाइनियगसयणसंबन्धिपरियणं अग्गओ घाएन्ति, २ कसप्पहारेहिं तालेमाणा २ कलुणं कागणिमंसाई खावेन्ति, २ रुहिरपाणियं च पाएन्ति ॥ ६३॥
तए णं से भगवं गोयमे तं पुरिसं पासेइ, २ इमे एयारूवे अज्झथिए समुप्पन्ने जाव तहेव निग्गए एवं वयासी"एवं खलु, अहं णं भन्ते, तं चेव जाव, से णं, भन्ते, पुरिसे पुवभवे के आसी जाव विहरइ ?” “एवं खलु, गोयमा" ॥६४॥
तेणं कालेणं तेणं समएणं इहेव जम्बुद्दीवे दीवे भारहे वासे पुरिमताले नामं नयरे होत्था रिद्ध। तत्थ णं पुरिमताले नयरे उदिओदिए नामं राया होत्था महया...। तत्थ णं पुरिमताले निन्नए नामं अण्डयवाणियए होत्था अड़े जाव
