________________
विवागसुयंसि [५१देवीए जोणिसूले पाउब्भूए यावि होत्था, नो संचाएइ विजयमित्ते राया सिरीए देवीए सद्धि उरालाई माणुस्सगाई भोगभोगाइं भुञ्जमाणे विहारत्तए । तए णं से विजय मित्ते राया अन्नया कयाइ उज्झियदारयं कामज्झयाए गणियाए गिहाओ निच्छभावेइ, २ कामज्झयं गणियं अन्भिन्तरियं ठावेइ, २ कामज्झयाए गणियाए सद्धिं उरालाई भोगभोगाई भुञ्जमाणे विहरइ ॥५१॥
तए णं से उज्झियए दारए कामज्झयाए गणियाए गिहाओ निच्छुभेमाणे कामज्झयाए गणियाए मुच्छिए गिद्धे गढिए अज्झोववन्ने अन्नत्थ कत्थइ सुइं च रइं च धिइं च अविन्दमाणे तच्चित्ते तम्मणे तल्लेस्सेतदझवसाणे तदट्ठोवउत्तं तयप्पियकरणे तब्भावणाभाविए कामज्झयाए गणियाए बणि अन्तराणि य छिड्डाणि य विवराणि य पडिजागरमाणे २ विहरइ । तए णं से उज्झियए दारए अन्नया कयाइ कामज्झयं गणियं अन्तरं लब्भेइ, २ कामज्झयाए गणियाए गिहं रहसियं अणुप्पविसइ, २ कामज्झयाए गणियाए सद्धिं उरालाई माणुस्सगाई भोगभोगाइं भुञ्जमाणे विहरइ ॥५२॥
इमं च णं मित्ते राया ण्हाए जाव °पायच्छित्ते सव्वालंकारविभूसिए मणुस्सवागुरापरिखित्ते जेणेव कामज्झयाए गिहे तेणेव उवागच्छइ, २ तत्थ णं उज्झियए दारए काम
झयाए गणियाए सद्धिं उरालाई भोगभोगाइं जाव विहरमाणं पासइ, २ आसुरुत्ते ४ तिवलियभिउडि निडाले साहट्ट उज्झियगंदारगं पुरिसेहिं गिण्हावेइ, २ अट्ठिमुट्ठिजाणुकोप्परपहारसंभग्गमाहियगत्तं करेइ, २ अवओडयबन्धणं करेइ, २ एएणं विहाणेणं वनं आणावेइ । “एवं खलु, गोयमा,
