________________
५०] उझियए.
२३ लवणसमुद्दे पोयविवत्तीए छुढं निब्बुड्भण्डसारं कालधम्मुणा संजुत्तं सुणन्ति, ते तहा हत्थनिक्लेवं च बाहिरभण्डसारंच गहाय एगन्ते अवक्कमन्ति ॥४८॥ ___तए णं सा सुभद्दा सत्थवाही विजयमित्तं लवणसमुद्दे पोयविवत्तीए निब्बुडुभण्डसारं कालधम्मुणा संजुत्तं सुणेइ, २ महया पइसोएणं अप्फुन्ना समाणी परसुनियत्ता विव चम्पगलया धस त्ति धरणीयलंसि सव्वङ्गेण संनिवडिया। तए णं सा सुभद्दा सत्थवाही मुहुत्तन्तरेण आसत्था समाणी बहूहिं मित्त जाव परिखुडा रोयमाणी कन्दमाणी विलवमाणी विजयमित्तसत्थवाहस्स लोइयाई मयाकिच्चाई करेइ । तए णं सा सुभदा सत्थवाही अन्नया कयाइ लवणसमुद्दोसरणं च लच्छिविणासं च पोयविणासं च पइमरणं च अणुचिन्तेमाणी २ कालधम्मुणा संजुत्ता ॥४९॥
तए णं ते नगरगुत्तिया सुभदं सत्थवाहिं कालगयं जाणित्ता उज्झियगं दारगं सयाओ गिहाओ निच्छुभेन्ति, २ तं गिहं अन्नस्स दलयन्ति । तए णं से उज्झियए दारए सयाओ गिहाओ निच्छूढे समाणे वाणियगामे नयरे सिंघाडग जाव °पहेसु जूयखेलएसु वेसियाघरेसु पाणागारेसु य सुहंसुहेणं परिवड्डइ । तए णं से उज्झियए दारए अणोहट्टिए अणिवारिए सच्छन्दमई सइरप्पयारे मजप्पसङ्गीचोरजूयवेसदारप्पसङ्गी जाए यावि होत्था । तए णं से उज्झियए अन्नया कयाइ कामज्झयाए गणियाए सद्धिं संपलम्गे जाए यावि होत्था, कामज्झयाए गणियाए सद्धिं विउलाई उरालाई माणुस्सगाई भोगभोगाई भुञ्जमाणे विहरइ ॥५०॥ तए णं तस्स विजयमित्तस्स रन्नो अन्नया कयाइ सिरीए
