________________
दसवेआलियसुत्तं.
अज्झयण ८ अधुवं जीवियं नच्चा सिद्धिमग्गं वियाणिया। विणियट्टेज्ज भोगेसु आउं परिमियमप्पणो ॥३४॥ बलं थामं च पेहाए सद्धमारोग्गमप्पणो। 'खेत्तं कालं च विनाय तहप्पाणं न जुंजए ॥३५॥ जरा जाव न पीलेइ वाही जाव न वड्डइ। जाविदिवा न हायंति ताव धम्मं समायरे ॥ ३६॥ कोहं माणं च मायं च लोभं च पाववडणं । वमे चत्तारिदासे उ इच्छंतो हियमप्पणो ॥३७॥ कोहो पीइं पणासेइ माणो विणयनासणो। माया मित्ताणि नासेइ लोभो सव्वविणासणो ॥ ३८॥ उवसमेण हणे कोहं माणं मद्दवया जिणे। मायं चज्जवभावेणं लोभं संतोसओ जिणे ॥३९॥ कोहो य माणो य अणिग्गहीया माया य लोभो य पवडूमाणा। चत्तारि एए कसिणा कसाया सिंचंति मूलाई पुणब्भवस्स ॥४०॥ राइणिएसु विणयं पउंजे धुवसीलं सययं न हावइज्जा । कुम्मो व्व अल्लीणपलीणगुत्तो परक्कमेज्जा तवसंजमम्मि ॥४१॥ निदं च न बहु मन्नेज्जा सप्पहासं विवज्जए। मिहोकहाहि न रमे सज्झायम्मि रओ सया ॥४२॥ जोगं च समणधम्मम्मि जुंजे अणलसो धुवं । जुत्तो य समणधम्मम्मि अठं लहइ अणुत्तरं ॥४३॥ इहलोगपारत्तहियं जेणं गच्छइ सोग्गइं। 'बहुसुयं पज्जुवासेज्जा पुच्छेज्जत्थविणिच्छयं ॥४॥ हथ पायं च कायं च पणिहाय जिइंदिए । अल्लीणगुत्तो निसिए सगासे गुरुणो मुणी ॥४५॥ न पक्खओ न पुरओ नेव किच्चाण पिछओ। न य ऊरुं सषासेज्जा चिठ्ठज्जा गुरुणन्तिए ॥४६॥ अपुच्छिओ न भासेज्जा भासमाणस्स अन्तरा। पिठिमंसं न खाएज्जा मायामोसं विवज्जए॥४७॥
१ क. ख. घ. च. खित्तं. २ च. तह अप्पाणं. ३ अ. क. घ. च. निझुंजए; अ. निओगए. ४ ख. पीडेइ. ५ ख. दोसाइं; घ. दोसे अ. ६ अ. च. संतुछिए. ७ स. क. च. धुवसीलयं. ८ क. कुम्मु व्व; च. कुम्मे व्व. ९ च. बहुस्सुयं.
