________________
३५
अज्झयण ८ दसवेआलियसुत्तं. बहुं सुणेइ कण्णोहिं बहुं अच्छीहिं 'पेच्छइ । न य दिलं सुयं सव्वं भिक्खू अक्खाउमरिहइ ॥२०॥ सुयं वा जइ वा दिठं न लवेज्जोवघाइयं । न य केण उवाएणं गिहिजोगं समायरे ॥२१॥ निठाणं रसनिज्जूढं भद्दगं पावगं ति वा। पुठो वा वि अपुठो वा लाभालाभं न निद्दिसे ॥२२॥ न य भोयणम्मि गिद्धो चरे उंछं अयपिरो । अफासुयं न भुंजेज्जा कीयमुद्देसियाहडं ॥२३॥ सन्निहिं च न कुब्वेज्जा अणुमायं पि संजए। मुहाजीवी असंबद्ध हवेज्जा जगनिस्सिए ॥२४॥ लूहवित्ती सुसंतुट्टे आप्पिच्छे सुहरे सिया। आसुरत्तं न गच्छेज्जा सोच्चाणं जिणसासणं ॥२५॥ कण्णसोक्खहिं सद्देहि पेमं नाभिनिवेसए। दारुणं कक्कसं फासं काएण अहियासए ॥२६॥ खुहं पिवासं दुस्सेज्जं सीउण्हं अरई भयं । 'अहियासे अव्वहिओ 'देहदुक्खं महाफलं ॥२७॥ अत्थंगयंमि आइच्चे पुरत्था य अणुग्गए। आहारमइयं सव्वं मणसा वि न पत्थए ॥२८॥
अतिंतिणे अचवले अप्पभासी मियासणे। हवेज्ज उयरे दन्ते थोवं लद्धं न खिसए ॥२९॥ "न बाहिरं परिभवे अत्ताणं न समुक्कसे। सुयलाभे न मज्जेज्जा जच्चा तवसिं बुद्धिए ॥३०॥ से जाणं अजाणं वा कट्ट आहम्मियं पयं । संवरे खिप्पमप्पाणं बीयं तं न समायरे ॥३१॥ अणाया परक्कम्म नेव गूहे न निण्हवे। सुई सया वियडभावे असंसत्ते जिइंदिए ॥३२॥ अमोहं वयणं कुज्जा आयरियस्स महप्पणो। तं परिगिज्झ वायाए कम्मुणा उववायए ॥३३॥
१ क. पिच्छई; ख. पिच्छए. २ ख. लविज्जा उव०; घ. लविज्जोव० ३ स. घ. केण उवाएण; अ. क. केणइ उवाएण. ४ ख. अयंपिरे. ५ अ. हविज्ज जोगनिस्तिए; क. ख. हविज्ज जग० ६ अ. सुभरे. ७ च. पेम्मं. ८ च. अहियासए. ९ अ. ख. ग. देहे दुक्खं. १० अ. अंतिमेणं अचवले अप्पसमी मिआसणे. ११ अ. न य बाहिरं. १२ घ. परभवे; च. परिहवे. १३ क. तवस्सिबुद्धिए.
