________________
दसवेआलियसुत्तं.
'सुद्धपुढवीएन निसीए ससरक्खम्मि य आसणे । पमज्जित निसीएज्जा जाइत्ता जस्स उग्गहं ॥ ५ ॥ सीओदगं न सेवेज्जा सिलावु हिमाणि य । उसिणोद्गं तत्तफासुयं पडिगाहेज्ज संजए ॥ ६ ॥ उदउल्लं अप्पणी कायं नेव पुंछे न संलिहे । समुप्पेह तहाभूयं नो णं संघट्टए मुणी ॥ ७ ॥ * इंगालं अगणिं अचिंच अलायं वा सजोइयं । न उंजेज्जा न घट्टेज्जा नो णं निव्वावए मुणी ॥ ८ ॥ तालियंटेण पत्तेण साहाविहुयणेण वा । न वीज्जप्पण कार्य बाहिरं वा वि पोग्गलं ॥ ९ ॥ तणरुक्खं न छिंदेज्जा फलं मूलं व कस्सइ । आमगं विविहं बीयं मणसा वि न पत्थए ॥ १० ॥ गहणेसु न चिठ्ठेज्जा बीएस हरिएस वा । उद्गांमि तहा निच्चं उत्तिंगपणगेसु वा ॥ ११ ॥ तसे पाणे न हिंसेज्जा वाया अदुव कम्मुणा । उवरओ सव्वभूएस पासेज्ज विविहं जगं ॥ १२ ॥ अट्ठ सुहुमाई पेहाए जाई जाणित्त संजए । दयाहिगारी भूएस आस चिठ्ठ सहि वा ॥ १३ ॥ "कयराई अठ्ठ सुहुमाई जाईं पुच्छेज्ज संजए । इमाई ताईं मेहावी आइक्खेज्ज वियक्खणे ॥ १४ ॥ सिहं पुप्फसुहुमं च पाणुत्तिङ्गं तहेव य । पणगं बीय हरियं च अंडसहुमं च अहम ॥ एवमेयाणि जाणित्ता सव्वभावेण संजए । " अप्पमत्ते जए निच्चं सव्विंदियसमा हिए ॥ १६ ॥ धुवं च पडिलेहेज्जा जोगसा पायकम्बलं । सेज्जमुच्चारभूमिं च संथारं अदुवासणं ॥ १७ ॥ उच्चारं पासवणं खेलं सिंघाण जल्लियं । फायं पडिलेहित्ता परिद्वावेज्ज संजय ॥ १८ ॥ पविसित परागारं पाणठा भोयणस्स वा । जयं चिट्ठे मियं भासे न य रूवेसु मणं करे ॥ १९ ॥
१५ ॥
३४
अज्झयण ८
१ अ. सुद्धपुढविं; क. घ. सुद्वपुढवी. २ क. ख. ग. घ. निसिए. ३ अ. घ. ससरक्खम्मि आसणे; क. ससरक्खे व. ४ ख. इंगालिं. ५ क. ख. ग. घ. वीएज्ज अप्पणी. ६ अ. पुस्तके अयं श्लोको न दृश्यते. ७ क. च. अप्पमत्तो.
