________________
अज्झयण ५-१ दसवेआलियसुत्तं.
सिया य समणठाए गुम्विणी कालमासिणी। उठ्ठिया वा निसीएज्जा निसन्ना वा पुणुए ॥४०॥ तं भवे भत्तपाणं तु संजयाण अकप्पियं । दितियं पडियाइक्खे न मे कप्पइ तारिसं॥४१॥ थणगं 'पिज्जएमाणी दारगं वा कुमारियं । तं निक्खिवित्तु रोवंतं आहरे पाणभोयणं ॥४२॥ तं भवे भत्तपाणं तु संजयाण अकप्पियं । दितियं पडियाइक्खे न मे कप्पइ तारिसं ॥४३॥
जं भवे भत्तपाणं तु कप्पाकप्पम्मि संकियं । दितियं पडियाइक्खे न मे कप्पइ तारिसं ॥४४॥ "दगवारएण पिहियं नीसाए पीढएण वा । लोढेणं वा वि लेवेण सिलेसेण व केणइ ॥४५॥ तं च उभिदिउं दिज्जा समणट्ठाय व दावए । दितियं पडियाइक्खे न मे कम्पइ तारिसं॥४६॥ असणं पाणगं वा वि खाइमं साइमं तहा। जं जाणेज्ज सुणेज्जा वा दाणठ्ठा पगडं इमं ॥४७॥ तारिसं भत्तपाणं तु संजयाण अकप्पियं । दितियं पडियाइक्खे न मे कप्पइ तारिसं ॥४८॥ असणं पाणगं वा वि खाइमं साइमं तहा। जं जाणेज्ज सुणेज्जा वा पुण्णठ्ठा पगडं इमं ॥४९॥ तं भवे भत्तपाणं तु संजयाण अकप्पियं। दितियं पडियाइक्खे न मे कप्पइ तारिसं ॥५०॥ असणं पाणगं वा वि खाइमं साइमं तहा। जं जाणेज्ज सुणेज्जा वा वणिमठा पगडं इमं ॥५१॥ तं भवे भत्तपाणं तु संजयाण अकप्पियं। दितियं पडियाइक्खे न मे कप्पइ तारिसं ॥५२॥ असणं पाणगं वा वि खाइमं साइमं तहा। जं जाणेज्ज सुणेज्जा वा समणठा प्रगडं इमं ॥ ५३॥
१ अ. पिज्जमाणी; क. घ. थणयं पिज्जमाणी. २ अ. ग. घ. रोयंतं ३ अ. पुस्तके अयं श्लोको न दृश्यते; गुर्जरभाषायामधस्तादनुवादो दृश्यते. ४ क. घ. दगवारण, अ. दगवाहेण. ५ च. दायए. ६ क. घ. ग. घ. तं भवे.
