________________
दसवेआलियसुत्तं
अज्झयण ५-१ तत्थ से चिठमाणस्स आहरे पाणभोयणं । अकप्पियं न 'गेण्हेज्जा, पडिगाहेज्ज कप्पियं ॥२७॥ आहरन्ती सिया तत्थ परिसाडेज्ज भोयणं । *दिन्तियं पडियाइक्खे न मे कप्पइ तारिसं ॥२८॥ संमद्दमाणी पाणााण बीयाण हरियाणि य। असंजमकरिं नच्चा 'तारिसं परिवज्जए ॥२९॥ साहट्ट निक्खिवित्ताणं सच्चित्तं घट्टियाणि य। तहेव समणठाए उदगं संपणोल्लिया ॥३०॥ ओगाहइत्ता चलइत्ता आहरे पाणभोयणं । दिन्तियं पडियाइक्खे न मे कप्पइ तारिसं ॥३१॥ पुरेकम्मेण हत्थेण दवीए भायणेण वा। दिन्तियं पडियाइक्खे न मे कप्पइ तारिसं ॥३२॥ "एवंउदओल्ले ससिणिद्धे ससरक्खे मद्रियाऊसे। हरियाले 'हिङ्गुलुए मणोसिला अंजणे लोणे ॥३३॥ गेरुय वण्णिय सेडिय सोरठिय पिठ कुक्कुसकए य । "उक्कठमसंसठे" संसठे चेव बोद्धव्वे ॥३४॥ असंसट्टेण हत्थेण 'दविए भायणेण वा। दिज्जमाणं न इच्छेज्जा पच्छाकम्मं जहिं भवे ॥ ३५॥ संसट्रेण हत्थेण दविए भायणेण वा। दिज्जमाणं पडिच्छेज्जा जं तत्थेसणियं भवे ॥ ३६॥
दोण्हं तु भुंजमाणाणं एगो तत्थ निमंतए । दिज्जमाणं न इच्छेज्जा छन्दं से पडिलेहए ॥ ३७॥ दोण्हं तु भुंजमाणाणं दो वि तत्थ निमंतए। दिज्जमाणं पडिच्छेज्जा जं तत्थेसणियं भवे ॥ ३८॥ गुब्विणीए उवन्नत्थं विविहं पाणभोयणं ।
भुंजमाणं विवज्जेज्जा, भुत्तसेसं पडिच्छए ॥ ३९ ॥ . १च. इच्छज्जा. २ अ. पडिसाडिज्ज. ३ अ. देतयं. ४ क. तारिसिं. ५ अ. घट्टियाण. ६ च. दविए. ७ अ. एवं उदल्ले. ८ च. हिंगुल्लोए. ९ च. कुक्कस. १. अ. क. ख. घ. उकिट्ठ. ११ अ. मसंदिद्वे. १२ ग. दवाए. १३ अ. घ. दुण्हं. १४ ख. भुजमाणं..
