________________
अज्झयण ५-१ दसवेआलियसुत्तं.
दवदवस्स न गच्छेज्जा भासमाणो य गोयरे । हसंतो नाभिगच्छेज्जा कुलं उच्चावयं सया ॥१४॥ आलोयं थिग्गलं दारं सन्धि दगभवणाणि य । चरंतो न विनिज्झाए संकठाणं विवज्जए ॥१५॥ रन्नो 'गहवईणं च रहस्सारक्खियाण य। संकिलेसकरं ठाणं दूरओ परिवज्जए ॥१६॥ पडिकुठकुलं न पविसे मामगं परिवज्जए। अचियत्तकुलं न पविसे चियत्तं पविसे कुलं ॥१७॥ साणीपावारपिहियं अप्पणा नावपंगुरे। कवाडं नो पणोल्लेज्जा ओग्गहंसि अजाइया ॥१८॥ . गोयरग्गपविट्टो उ वच्चमुत्तं न धारए।
ओगासं फासुयं नच्चा अणुन्नविय वोसिरे ॥१९॥ "नीयदुवारं तमसं कोठगं परिवज्जए। अचक्नुविसओ जत्थ पाणा दुप्पडिलेहगा ॥२०॥ . 'जत्थ पुप्फाइं बीयाई विप्पइण्णाई 'कोठए। अहुणोवलित्तं ओल्लं दकृणं परिवज्जए ॥२१॥ एलगं दारगं साणं वच्छगं चावि कोठए। उल्लनिया न पविसे विउहित्ताण व संजए ॥२२॥ असंसत्तं पलोएज्जा नाइदूरावलोयए। उप्फुल्लं न विनिज्झाए "नियटेज्जा 'अयंपिरो ॥२३॥ अइभूमिं न गच्छेज्जा गोयरग्गगओ मुणी। कुलस्स भूमि जाणित्ता मियं भूमि परक्कमे ॥२४॥ तत्थेव पडिलहिज्जा भूमिभागं वियक्खणो। "सिणाणस्स य वच्चस्स "संलोगं परिवज्जए ॥२५॥ १६दगमद्वियआयाणे बीयाणि हरियाण य। परिवज्जन्तो चिठेज्जा सव्विन्दियसमाहिए ॥२६॥
१ अ. ख.. गिहवईणं २ अ. रहसारक्खियाणि. ३ ख. अप्पणो. ४ च.. ओग्गहं से. ५ च. ओयासं. ६ च. अणुन्नायम्मि. ७ क. णीयंदुवारं; घ. णीअदुवारं.
अ. जत्थ पाणाइं. ९ ख. कुट्ठए. १० च. विउहत्ताण; ख. विहुइत्ताण च; अ. विओत्ताणं वसं जए. ११ क. ख. नियंटिज्ज. १२ अ. अयंपिरे १३ अ. वियकखणे. १४ ख. सणाणस्स. १५ च. संलोयं. १६ अ. घ. दगमट्टी व आयाणे.
