________________
१२
दसवेआलियसुत्तं.
॥ पंचममज्झणं -- पढमो उद्देसओ ॥ संपत्ते 'भिक्खकालम्मि असंभन्तो अमुच्छिओ । इमेण कमजोगेण भत्तपाणं गवेस ॥ १ ॥ से गामे वा नयरे वा गोयरग्गगओ मुणी । चरे मन्दमणुव्विग्गो अव्वक्खित्तेण चेयसा ॥ २ ॥ पुरओ जुगमायाए पेहमाणो महिं चरे । वज्जेन्तो बीयहरियाई पाणे य दगमट्टियं ॥ ३ ॥ ओवायं विसमं खाणुं विज्जलं परिवज्जए । संकमेण न गच्छेज्जा विज्जमाणे परक्कमे ॥ ४ ॥ पवडते व से तत्थ पक्खलन्ते व संजए । हिंसेज्जा पाणभूयाइं तसे अदुव थावरे ॥ ५ ॥ तम्हा तेण न गच्छेज्जा संजए सुसमाहिए । सइ अन्नेण मग्गेण जयमेव परक्कमे ॥ ६॥ इङ्गालं छारियं रासिं तुसरासिं च गोमयं । ससरक्खेहिं पाएहिं संजओ तं नइक्कमे ॥ ७ ॥ न चरेज्ज वासे वासन्ते महियाए व पडन्तिए । महावा व वायन्ते तिरिच्छसंपाइमेसु वा ॥ ८ ॥ न चरेज्ज वेससामन्ते बंभचेरवसाणए । बंभयारिस्स दंतस्स होज्जा तत्थ विसोत्तिया ॥ ९ ॥ " अणायणे चरंतस्स संसग्गीए अभिक्खणं । होज्जा वयाणं पीडा सामण्णम्मि य संसओ ॥ १० ॥ तम्हा एयं वियाणित्ता दोसं दुग्गइवडणं । वज्जए वेससामंतं मुणी 'एगंतमस्सिए ॥ ११ ॥ साणं 'सूयं गाविं दित्तं गोणं हयं गयं । "संडिब्भं कलहं जुद्धं दूरओ परिवज्जए ॥ १२ ॥ अण्णए नावणए अप्पहिले अणाउले । इंदियाई जहाभागं दमइत्ता मुणी चरे ॥ १३ ॥
अज्झयण प
१ ख. भिक्खुकालम्मि. २ अ. परिक्कम. ३ अ. वेसवासंते; ख. वेसवासंतं. ४ क ग. वसाणुए ५ अ. आणायणे; क अणाययण-चरंतस्स. ६ ख. संसग्गीइ . ७ च. दोग्गइ ८ अ. मासिए । ९ ग. घ. सूइं गाविं; अ. सूयइगाविं; ग. सूअगाविं. १० ख. घ. संडिंभ.
