________________
दसवेआलियसुत्तं.
जया पुण्णं च पावं च बंधं मोख्खं च जाणह । तया 'निव्विन्दए भोए जे दिव्वे जे य माणुसे ॥ १६ ॥ जया निदिए भोए जे दिव्वे जे य माणुसे । तया चयइ संभोगं सब्भितरबाहिरं ॥ १७ ॥ जया चयइ संभोगं सब्भितरबाहिरं ।
तया मुण्डे भवित्ताणं पव्वयइ अणगारियं ॥ १८ ॥ जया मुण्डे भवित्ताणं पव्वयइ अणगारियं । तया संवरमुक्कडं धम्मं फासे अणुत्तरं ॥ १९ ॥ जया संवरमुक्कडं धम्मं फासे अणुत्तरं । तया धुणइ कम्मरयं अबोहिकलुषं कडं ॥ २० ॥ जया धुणइ कम्मरयं अबोहिकलसं कडं । तया सव्वत्तगं नाणं दंसणं चाभिगच्छइ ॥ २१ ॥ जया सव्वत्तगं नाणं दंसणं चाभिगच्छइ । तया लोगमलोगं च जिणो जाणइ केवली ॥ २२ ॥ जया लोगमलोगं च जिणो जाणइ केवली । तया "जोगे निरुंभित्ता सेलेसिं पडिवज्जइ ॥ २३ ॥ जया जोगे निरुंभित्ता सेलेसिं पांडवज्जइ । तया कम्मं खवित्ताणं सिद्धिं गच्छइ नीरओ ॥ २४ ॥ जया कम्मं खवित्ताणं सिद्धिं गच्छइ नीरओ । तया लोगमत्थयत्थो सिद्धो 'भवइ सासओ ॥ २५ ॥ सुहसायगस्स समणस्स सायाउलगस्स निगामसाइस्स । उच्छोलणापहाविस्स' दुलहा सोग्गइ तारिसगस्स ॥ २६ ॥ तवोगुणपहाणस्स उज्जुमईखन्तिसंजमरयस्स । परीसहे जिणन्तस्स सुलहा 'सोग्गइ तारिसगस्स ॥ २७ ॥ पच्छा वि ते पयाया खिप्पं गच्छन्ति अमरभवणाई । जेसिं 'पियो तवो संजमो य खन्ती य बम्भचेरं च ॥ २८ ॥ इच्चेयं छज्जीवणियं सम्मद्दिहो सया जए । "दुलहं लभित्तु सामम्णं कम्मुणा न विराहेज्जासि ॥ २९ ॥ ॥ त्ति बेमि ॥ ॥ चउत्थं छज्जीवणियज्झयणं समत्तं ॥
अज्ज्ञयण ४
११
१ अ. निव्विंदई. २ अ. संजोगे; कघ. संजोगं. 3 अ. क. ख ग. घ. पव्वयइए. ४ ख. जोए .. ५ च खवेत्ताणं. ६ अ. क. ध. हव. ७ अ. क. ख. ब. पहोइस्स; ग. पहोविस्स. ८ च. सोगइ. ९ क. पिओ. १० च. दुलभं.
