________________
[ जीवन-श्रेयस्कर-पाठमाला
सयं सहस्साण उ जोयणाणं, तिकंडगे पंडगवेजयंते । से जोयणे णवणवहसहस्से, उड्डुस्सितो हेट सहस्समेगं॥१०॥ पुढे णमे चिट्ठइ भूमिवट्ठिए, ज सूरिया अणुपरिवयंति । से हेमवन्ने बहुनंदणे य, जंसि रनिं वेदयंति महिंदा ॥११॥ से पव्वए सहमहप्पगाले, विरायइ कंचणमट्ठवन्ने। अणुत्तरे गिरिसु य पव्वदुग्गे, गिरीवरे से जलिएव भोमे ।।१२।। महीए मज्झमि ठिए णगिंदे, पन्नायते सूरिए सुद्धलेसे । एवं सिरीए उ स भूरिवन्ने, मणेरमे जोयइ अच्चिमाली ।।१३।। सुदंसणस्सेव जसो गिरिस्ल, पवुच्चई महतो पव्वयस्स । एतोवमे समणे नायपुत्ते, जाइजसोदसणनाणसीले ॥१४|| गिरीवरे वा निसहाऽऽययाणं, रुयए व सेटे वलयायताणं । तओवमे से जगभूइपन्ने मुणीण मज्झे तमुदाहु पन्ने ॥१५॥ अणुत्तरं धम्ममुईरइत्ता, अणुत्तरं झाणवरं झियाइ। सुसुक्कसुक्कं अपगंडसुकं, संखिंदुएगंतवदातसुकं ॥१६॥ अणुत्तरग्गं परमं महेसी, असेसकम्मं स विसोहइत्ता। सिद्धिं गए साइमणंतपत्ते, नाणेण सीलेण य ईसणेण ॥१७॥ रुक्खेसु णाए जह सामली वा, जंसिं रइं वेदयंति सुवन्ना । वणेसु वा णंदणमाहु सेहूं, नाणेण सीलेण य भूतिपन्ने ॥१८|| थणियं व सद्दाण अणुत्तरे उ, चन्दो व ताराण महाणुभावे । गंधेसु वा चन्दणमाहु सेटुं, एवं मुणीणं अपडिन्नमाहु ॥१९॥ जहा सयंभू उदहीण सेट्टे, नागेसु वा धरणिंदमाहु सेतु। खोपोदए वा रसवेजयंते, तवोवहाणे मुणीवेजयते ॥२०॥ हत्थीसु एरावणमाहु नाए, सीहो मिगाणं सलिलाण गङ्गा । पक्खीसु वा गरुले वेणुदेवो, निव्वाणवादीणिह नायपुत्ते ।।२१|| जोहेसु नाए जह वीससेणे, पुप्फेसु वा जह अरविंदमाहु । खत्तीण सेटे जह दंतवक्के, इसीण सेटे तह वद्धमाणे ॥२२॥
