________________
अज्झयण ८
दसवेनालियसुत्तं
से जा अजाणं वा कटु आहम्मियं पय । संवरे खिप्पमप्पा बीयं तं न समायरे ॥ ३१ ॥ अणायारं परकमा तेव गृहे न निराहवे। सुई सया वियडभावे असंसत्ते जिइंदिए ॥ ३२ ॥ अमोहं वयणं कुज्जा आयरियस्स महप्पण। तं परिगिज्झ वायाए कम्मुणा उववायए ॥ ३३ ॥ अधुवं जीविय नच्चा सिद्धिमग्गं वियाणिया । विणियट्टेज्ज भोगेसु आउं परिमियमप्पणा ।। ३४।। बलं थामं च पेहाए सद्धमारोग्गमप्पणा । खेतं काल च विन्नाय तहप्पारणं न जुंजए।। ३५ ॥ जरा जाव न पीलेइ वाही जाव न वड्डइ । आविंदिया न हायति ताव धम्म समायरे ॥३६॥ कोहं माणं च मायं च लोभ च पाववडणं । वमे चत्तारि दोसे उ इच्छतो हिय मप्पणो ॥ ३७ ।। कोहो पीइं पणासेइ माणे विणयनासो। माया मित्ताणि नालेइ लोहो सव्वविणासणा ।। ३८ ।। उवसमेण हणे कोहं माणं मद्दवया जिणे । माय चज्जवभावेण लोभं संतोसओ जिणे ॥ ३६॥ कोहोय माणा य अणिग्गहीया माया य लोभो य पवड्डमाणा। चत्तारिएए कसिणा कसाया सिंचंति मूलाइंपुणब्भवस्स।।४०॥
राइणिएमु विणयं पउंजे धुवसील सययं न हावइज्जा। कुम्मो ब्व अल्लीणपलीणगुत्तोपरक्कमेज्जा तवसंजमम्मि ॥४१॥ निदं च न बहु मन्नेज्जा सप्पहासं विवज्जए । मिहो कहाहिं न रमे सज्झायाि रओ सया ॥ ४२ ॥ जोगं च समणधम्मम्मि जुंजे आणलो धुवं । जुत्तो य समणधम्मम्मि अटुं लहइ अणुत्तरं ।। ४३ ।। इह लोगवारत्तहियं जेणं गच्छद सेोरगई।
