________________
२२२]
[जीवन-श्रेयस्कर-पाठमाला
से किं तं धारणा ?
धारणा छविहा पराणत्ता, तंजहा-सोइंदियधारणा, चक्खिदियधारणा, घाणि दियधारणा, जिभिदियधारणा, फासिंदियधारणा, नोइंदियधारणा। तीसे इमे एगट्रिया नाणाघोसा नाणावंजणा पंच नामधिज्जा भवंति, तंजहा धरणा, धारणा, ठवणा, पइट्टा, कोट्टे, से तं धारणा ॥ सू० ॥ ३४ ॥
उग्गहे इक्कसमइए, अंतोमुहुत्तिया ईहा, अंतोमुहुत्तिए अवाए, धारणा संखेज्जं वा कालं असंखेज वा कालं ।।सू०॥३५॥
एवं अट्ठावीसाइविहस्स आभिणिवोहियनाणस्स वंजणु ग्गहस्स परूवणं करिस्तामि पडिबोहगदिटुंतेण मल्लगदिटुंतेण य ।
से किं तं पडिबोहग दिटुंते ?
पडिबोहगदिटुंतेणं से जहानामए केइ पुरिले कंचि पुरिसं सुत्तं पडिबोहिज्जा, अमुगा अमुगत्ति, तत्स्थ चोयगे पन्नवयं एवं वयासी-किं एगसमयपविट्टा पुग्गला गहणमागच्छंति ? दुसमयपविट्ठा पुग्गला गहणमागच्छति ? जाव दस समयपविट्ठा पुग्गला गहण मागच्छंति ?, संखिजसमयपट्ठिा पुग्गला गहणमागच्छंति ?, असंखिजसमयपविट्ठा पुग्गला गहणमागच्छति ?, एवं वयंतं चोयगं पण्णवर एवं वयासी-नो एगसमयपविट्ठा पुग्गला गहण मागच्छंति,नो दुसमयपविट्ठा पुग्गला गहणमागच्छंति; जाव नो दससमयपविट्ठा पुग्गला गहणमागच्छंति, नो संखिजसमयपविठ्ठा पुग्गला गहणमागच्छंति; असंखिजसमयपविट्ठा पुग्गला गहणमागच्छति, से तं पडिबोहगदिटुंतेणं।
