________________
१४२]
[ जीवन-श्रेयस्कर-पाठमाल.
सहायपच्चक्खाणेण भन्ते ! जीवे किं जणयइ ? स० एगीभावं जणयइ । एगीभावभूए य शं जीवे एगत्तं भावेमाणे अप्पसद्दे, अप्पझंझे, अप्पकलहे. अप्पकसाप, अप्पतुमंतुमे, संजमबहुले, संवर बहुले, समाहिए यावि भवइ ।।३९॥
भत्तपञ्चक्खाणेण भन्ते ! जीवे किं जणयइ ? भ० प्रणेगाई भवसयाई निरुम्भइ ॥४०॥ __ सब्भावपञ्चक्खाणेणं भन्ते ! जीवे किं जणयइ ? स० अनियहि जणयइ । अनियट्टिपडिवन्ने य अगारे चत्तारि केवलीकम्मसे खवेइ तंजहा-वेयणिजं आउय नाम गोयं । तओ पच्छा सिज्झइ, बुज्झइ, मुच्चइ जाव सव्वदुक्खाणमन्तं करेइ ॥४॥
पडिरूवयाए णं भन्ते ! जीवे किं जणयइ ? प० लाघवियं जणयइ । लघुभूए णं जीवे अप्पमत्ते पागडलिंगे पसथलिंगे विसुद्धसम्मत्ते सत्तसमिइसमत्ते सव्वपाणभूयजीवसत्तेसु वीससणिजरूवे अप्पडिलेहे जिइन्दिए विउलतवसमिइसमनागए यावि भवइ ॥४२॥
वेयावञ्चणं भन्ते ! जीवे किं जणयइ ? वे० तित्थयरनामगोतं कम्मं निबन्धइ ॥४३॥
सव्वगुणसंपन्नयाए भन्ते ! जीवे कि जणयइ ? स० अपुणरावत्तिं जणयइ । अपुणरावत्तिं पत्तए य र जीवे सारीरमाणसाणं दुक्खाणं नो भागी भवइ ।।४४॥
वीयरागयाए णं भन्ते ! जीवे किं जणयइ ? वी० नेहाणुबन्धणाणि तण्हाणुबन्धणाणि य वोच्छिन्दइ, मणुन्नामणुन्नेसु सद्दफरिसरूवरसगन्धेसु' चेव विरजइ ॥४५॥
१-सु सचित्ताचित्तमीसएसु।
