Vishvani Adhyatmik Ajayabio Aapna Sadhu Sadhvio Part 03

SR No.: 022595
Original Sutra Author: N/A
Author: Gunhansvijay
Publisher: Kamal Prakashan Trust
Publication Year: 2014
Total Pages: 124
Language: Gujarati
Classification: Book_Gujarati
File Size: 19 MB

Page 78

-~~-~-- વિશ્વની આધ્યાત્મિક અજાયબીઓ -------- આચાર્યદેવે પૂછ્યું કે “તમારા માટે જપમાં શું સંકલ્પ કરું?” તો કહે “આ જીંદગીમાં મારી ૬૮ ઓળી પૂર્ણ થાય, એ જ મારી ઈચ્છા છે.”
આજે ૮૧ વર્ષની ઉંમરે તેઓ ૮૧ ઓળી સુધી પહોંચી ગયા છે.
૪૫-૫૦ ડીગ્રી ગરમીવાળા અને ૨૦ ડીગ્રી કે ૧-૨ ડીગ્રી જેવી ભયંકર ઠંડીવાળા સ્થાનમાં શાસનના કામ માટે આચાર્યદેવે બે-ત્રણ વર્ષ સતત રોકાઈ જવાનો પ્રસંગ આવ્યો. આચાર્યદેવને શાસનના કાર્યોમાં બળ મળે, એ માટે આખા ગ્રુપે સળંગ રોજ એક-એક આંબિલ ચાલુ રાખવાનો નિર્ણય લીધો. પણ ત્યાં આંબિલખાતા નહિ અને ઘરો ઓછા, વળી ઠંડી-ગરમી બંને અતિ વધારે... એમાં વળી ૬ સાધુઓ ટાઈફોઈડ-જોન્ડીસના રોગમાં સપડાયા. સળંગ આંબિલ ચાલુ રાખવાનો વિચાર પડી ભાંગ્યો.
પણ એ વખતે આ વૃદ્ધ મુનિએ કહ્યું કે “આપણા આચાર્યદેવને શાસનના કાર્યોમાં બળ મળે એ માટે અખંડ બિલ ચાલવા જ જોઈએ. કોઈ નહિ કરે, તો હું એકલો કરીશ. માત્ર રોટલી અને પાણી મળશે. તો પણ ચાલશે. મારા તરફથી કોઈપણ ફરિયાદ નહિ આવે. એની હું બાંહેધરી આપું છું.”
અને ખરેખર ભીષ્મસંકલ્પી મુનિરાજે ૭૮,૭૯,૮૦ ત્રણ ઓળી સળંગ કરી. આજે ૮૧ વર્ષની ઉંમરે એ જે નાની નાની આરાધના કરે છે. તે જરાક જોઈએ. (ક) એક આંખ બિલકુલ નથી, છતાં આખા દિવસમાં પાંચ કલાક સ્વાધ્યાય કરે.
(ખ) આઠ કર્મના ક્ષય માટે ૨૦ લોગસ્સ, વિશુદ્ધસંયમ પાલન માટે ૧૭ લોગસ્સ, જિનશાસન રક્ષા માટે ૧૨ લોગસ્સ, સિદ્ધભગવંતોની આરાધના માટે ૮ લોગસ્સ, પાંચજ્ઞાનની આરાધના માટે ૫ લોગસ્સનો કાઉસ્સગ્ગ રોજ કરે છે.
(ગ) “નમો જિણાણે જિઅભયાણં'ની પાંચ, ગુરુએ આપેલા મંત્રની પાંચ, નવકારમંત્રની ૧, “નમો સિદ્ધાણં'ની ૨૦, સ્થૂલભદ્રજી અને ધન્ના અણગારની એક, રક્વામિ મહત્રણ પંચ ની ૧, નાગેશ્વર પાર્શ્વનાથ, ગૌતમસ્વામી, સિદ્ધાચલતીર્થાધિપતિ આદિનાથ, શંખેશ્વર પાર્શ્વનાથની એક-એક અને તિસ્થય છે પક્ષીયંત ની એક માળા રોજ ગણે છે.
(જ્યોતિષ સાચું છે, એની ના નહિ. પણ (ક) આજે સચોટ, એકદમ સાચું જોનારાઓ ઓછા... (ખ) એ કર્મો નિકાચિત ન હોય તો તૂટી જવાની શક્યતા ઘણી
(ગ) નિકાચિત હોય તો પણ પતન થતા પૂર્વે જેટલા વર્ષ આરાધના થઈ, એ તો સારા માટે જ ને?. એટલે જ જ્યોતિષ જોવડાવવું ખરું, પણ એના ભરોસે બેસી ન રહેવું.)