Vishvani Adhyatmik Ajayabio Aapna Sadhu Sadhvio Part 03

SR No.: 022595
Original Sutra Author: N/A
Author: Gunhansvijay
Publisher: Kamal Prakashan Trust
Publication Year: 2014
Total Pages: 124
Language: Gujarati
Classification: Book_Gujarati
File Size: 19 MB

Page 77

વિશ્વની આધ્યાત્મિક અજાયબીઓ
સગો દીકરો દીક્ષા બાદ પાછો ઘેર જાય, એ શી રીતે પરવડે ? એમાં વળી કુટુંબ ઘણું વિશાળ, ખાનદાન, ઈજ્જતદાર ! પિતાશ્રી નિર્ણય લેતા મુંઝાયા.
ઘરના બધા સભ્યો, પરિવાર ભેગો થયો.
ત્યારે એ યુવાનના સગા કાકા ખુમારીભેર બોલી ઉઠ્યા. “જ્યોતિષની વાતોથી બિલકુલ ગભરાવાની જરૂર નથી. મારો ભાઈ અને ભત્રીજો દીક્ષા લેશે જ. અને જો ખરેખર આગાહી સાચી પડે તો પણ ચિંતા ન કરશો. મારા ત્રણ દીકરા છે. ઘરે પાછા ફરેલા ભત્રીજાને હું મારા ચોથા દીકરા તરીકે રાખી લઈશ.”
અને કાકાની આ ધરપત, દઢતાના પરિણામે રંગેચંગે દીક્ષા થઈ.
એ યુવાન ઘરે તો ન ગયો, પણ આજે મહાન જૈનાચાર્ય બનીને શાસનપ્રભાવનાના અજોડ કાર્યો કરે છે. એ યુવાનના કાકાએ પણ ૬૪ વર્ષે દીક્ષા લીધી. પરિવારના ૮ જણને દીક્ષા અપાવવામાં નિમિત્ત બન્યા.
એ કાકાનો ધર્મરાગ એવો જોરદાર કે વેકેશનમાં પોતાના દીકરા-દીકરીઓને ફરજિયાત સાધુ-સાધ્વીઓ પાસે ભણવા મોકલે. તિથિના પૌષધ ફરજિયાત કરે અને કરાવે.
એ કાકા ૬૪ વર્ષની ઉંમરે દીક્ષાનું મુહૂર્ત ખાનગીમાં કઢાવીને ઘરે ગયા. પણ પત્નીને ગમે તે રીતે એ વાતની ખબર પડી અને એણે ધમકી આપી “હું ઉપરથી ભુસકો મારીને આત્મહત્યા કરીશ, જો તમે દીક્ષા લીધી તો...'
પણ છેવટે પત્ની પણ માની ગઈ અને એ કાકાએ દીક્ષા લીધી.
આજે એ વૃદ્ધ કાકા મુનિરાજ સંયમજીવન મસ્તીથી મળે છે.
સંયમજીવનમાં હજી સુધી એકપણ દિવસ એવો નથી ગયો કે જેમાં આ મુનિ ગુરુજનાદિના ઉપકારોને યાદ કરીને રડ્યા ન હોય. ખૂબ ખૂબ સંવેદનશીલ એમનું હૈયું !
જે નાના સાધુઓ એમની સેવા કરે, એમનો આભાર માનીને આંસુ વહાવે.
મચ્છરદાનીમાંથી જો એકાદ પણ મચ્છર મરેલું નીકળે, તો આ મુનિ રીતસર ધ્રુસકે ધ્રુસકે રડી પડે. સહવર્તીઓએ એ મુનિને આવી રીતે ઘણીવાર રડતા જોયા છે.
સહવર્તીઓ લખે છે કે “સાંજે પ્રતિક્રમણમાં જ્યારે સવ્વસ્ત્ર વિ... સૂત્ર બોલાય, ત્યારે પોતાના દિવસ દરમ્યાનના પાપો બદલ આ મુનિની આંખોમાંથી આંસુ પડે, પડે ને પડે જ.” જાણે કે એમની આંખોમાં પાણીની ટાંકી ન ગોઠવી હોય, એમ નાની નાની બાબતોમાં પણ આંખો છલકાઈ જાય.
એમના ભત્રીજાએ (આચાર્યદેવે) પ્રથમપીઠિકાનો જપ શરુ કર્યો, તેમને જપમાં બળ મળે એ માટે આ વૃદ્ધ કાકા મુનિએ ૨૫ શુદ્ધ આંબિલ સળંગ કર્યા. (માત્ર ભાત + પાણી જ...)
૭૫