________________
नायाधम्मकहाओ
[V.60 घोसेह जाव घोसंति । तए णं थावच्चापुत्तस्स अणुराएणं पुरिससहस्सं निक्खमणाभिमुहं हायं जाव सव्वालंकारविभूसियं पत्तेयं २ पुरिससहस्सवाहिणीसु सिवियासु दुरुढं समाणं मित्तनाइपरिवुडं थावच्चापुत्तस्स अंतियं पाउन्भूयं । तए णं से कण्हे वासुदेवे पुरिससहस्सं अंतियं पाउब्भवमाणं पासइ २ कोडुंबियपुरिसे सहावेइ २ एवं वयासी- जहा मेहस्स निक्खमणाभिसेओ तहेव सेयापीएहिं कलसेहिं व्हावेइ जाव अरहओ अरिटनेमिस्स छत्ताइच्छत्तं पडागाइपडागं पासइ २ विज्जाहरचारणे जाव पासित्ता सीयाओ पच्चोरुहइ । तए णं से कण्हे वासुदेवे थावच्चापुत्तं पुरओ काउं जेणेव अरहा अरिहनेमी सव्वं तं चेव जाव आभरणं ओमुयइ । तए णं सा थावच्चा गाहावंइणी हंसलक्खणेणं पडगसाडएणं आभरणमल्लालंकारं पडिच्छइ हारवारिधाराछिन्नमुत्तावलिप्पगासाई अंसूणि विणिमुंच. माणी २ एवं वयासी-जइयव्वं जाया ! घडियव्वं जाया ! परकमियव्वं जाया! आस्सिं च णं अढे नो पमाएयव्वं । जामेव दिसि पाउन्भूया तामेव दिसिं पडिगया । तए णं से थावश्चापुत्ते. पुरिससहस्सेणं सद्धिं सयमेव पंचमुट्ठियं लोयं करेइ जाव पव्वइए । तए णं से यावचा. पुत्ते अणगारे जाए इरियासमिए भासासमिए जाव विहरइ । तए णं से थावच्चापुत्ते अरहओ अरिहनोमिस्स तहारूवाणं थेराणं अंतिए सामाइयमाझ्याइं इकारस अंगाई चोहसपुव्वाइं अहिज्जइ २ बहूहिं जाव चउत्येणं विहरइ । तए णं अरहा अरिट्ठनेमी थावतचापुत्तस्स अणगारस्स तं इन्भाइयं अणगारसहस्सं सीसत्ताए दलयइ । तए णं से थावच्चापुत्ते अनया कयाई अरहं अरिहनेमि वंदइ नमसइ २ एवं पयासी - इच्छामि. गं भंते ! तुब्भेहिं अब्भणुनाए समाणे अणगारसहस्सेणं सद्धिं बहिया जणवयविहारं विहरित्तए। अहासुहं देवाणुप्पिया । तए णं से थावच्चापुत्ते अणगारसहस्सेणं सद्धिं तेणं उरालेणं उग्गेणं पयत्तेणं पग्गहिएणं बहिया जणवयविहारं विहरइ।
(60) तेणं कालेणं २ सेलगपुरे नाम नगरे होत्था। सुभूमिभागे उजाणे । सेलए राया पउमावई देवी मंडुए कुमारे जुवराया।
