________________
66 नायाधम्मकहाओ
[IV.56तेणेव उवागच्छंति २ ते कुम्मगा सव्वओ समंता उठवत्तेंति परियत्तेति आसारेंति संसारेंति चालेंति घटेति फंदेंति खोभेति नहेहिं आलुपंति' दंतेहि य अक्खोडेंति नो चेव णं संचाएंति तेसिं कुम्मगाणं सरीरस्स आबाहं वा पबाहं वा वाबाहं वा उप्पाइत्तए छविच्छेयं वा करित्तए । तए णं ते पावसियालगा ते कुम्मए दोच्चंपि तच्चंपि सव्वओ समंता उव्वतेंति जाव नो चेव णं संचाएंति करित्तए ताहे संता तंता परिवंता निविण्णा समाणा सणियं २ पच्चोसकंति एगंतमवक्कमति २ निच्चला निप्फंदा तुसिणीया संचिट्ठति । तत्थ णं एगे कुम्मए ते पावसियालए चिरगए दूरंगए जाणित्ता सणियं २ एंगं पायं निच्छुभइ । तए णं ते पावसियालगा तेणं कुम्मएणं सणियं २ एगं पायं नीणियं पासंति २ सिग्धं तुरियं चवलं चंडं जैइणं वेगियं जेणेव से कुम्मए तेणेव उवागच्छंति २ तस्स णं कुम्मगस्स तं पायं नहिं आलुपंति दंतेहिं अक्खोडेंति तओ पच्छा मंसं च सोणियं च आहारेंति २ तं कुम्मगं सव्वओ समंता उव्वत्तेति जाव नो चेव णं संचाएंति करेत्तए ताहे दोच्चंपि अवकमंति एवं चत्तारि वि पाया जाव साणेयं २ गीवं नीणेइ । तए णं ते पावसियालगा तेणं कुम्मएणं गीवं नीणियं पासंति २ सिग्धं चवलं ४ नहेहिं दंतेहिं य कवालं विहाडेंति २ तं कुम्मगं जीवियाओ ववरोवेंति २ मंसं च सोणियं च आहारेंति । एवामेव समणाउसो ! जो अम्हं निग्गंथो वा २ आयरियउवज्झायाणं अंतिए पव्वइए समाणे पंच य से इंदिया अगुत्ता भवंति से णं इहभवे चेव बहूणं समणाणं ४ हीलणिज्जे परलोए वि य णं आगच्छइ बहूणं दंडणाणं जाव ससारं अणुपरियट्टइ जहा व से कुम्मए अगुत्तिदिए । तए णं ते पावसियालगा जेणेव से दोच्चे कुम्मए तेणेव उवागच्छंति २ तं कुम्मगं सव्वओ समंता उव्वत्तेंति आव दंतेहिं अक्खुडेंति जाव करित्तए । तए णं ते पावसियालगा दोच्चंपि तच्चपि जाव नो संचायति तस्स कुम्मगस्स किंचि आबाहं वा विवाह वा जाव छविच्छेयं वा करेत्तए ताहे संता तंता परितंता निविण्णा समाणा जामेव दिसं पाउन्भूया. तामेव दिसं पडिगया । तए णं से कुम्मए ते
