________________
नायाधम्मकहाओ
[II.43सयाओ गिहाओ पडिनिक्खमइ बहूहिं डिंभएहि य जाव कुमारियाहि य सद्धिं संपरिबुडे जेणेव रायमग्गे तेणेव उवागच्छइ २ देवदिन्नं दारगं एगंते ठावेइ २ बहूहिं डिंभएहि य जाव कुमारियाहि य सद्धिं संपरिबुडे पमत्ते यावि. विहरइ । इमं च णं विजए तक्करे रायगिहस्स नगरस्स बहूणि बाराणि य अवबाराणि य तहेव जाव आभोएमाणे मग्गेमाणे गवेसमाणे जेणेव देवदिन्ने दारए तेणेव उवागच्छइ २ देवदिन्नं दारगं सव्वालंकारविभूसियं पासइ २ देवदिन्नस्स दारगस्स आभरणालंकारेसु मुच्छिए गढिए गिद्धे अज्झोववन्ने पंथगं दासचेडं पमत्तं पासइ २ दिसालोयं करेइ २ देवदिन्नं दारगं गेण्हइ २ कक्खंसि अल्लियावेइ २ उत्तरिजेणं पिहेइ २ सिग्धं तुरियं चवलं वेइयं रायगिहस्स नगरस्स अवदारेणं निग्गच्छइ २ जेणेव जिण्णुज्जाणे जेणेव भग्गकूवए तेणेव उवागच्छइ २ देवदिन्नं दारयं जीवियाओ ववरोवेइ २ आभरणालंकारं गेण्हइ २ देवादिन्नस्स दारगस्स सरीरं निप्पाणं निच्चेटुं जीवविप्पजढं भग्गकवए पक्खिवइ २ जेणेव मालुयाकच्छए तेणेव उवागच्छइ २ मालगाकच्छयं अणुप्पविसइ २ निच्चले निप्पंदे तुसिणीए दिवसं खवेमाणे चिट्ठइ।
(43) तए णं से पंथए दासचेडे तओ मुहुत्तंतरस्स जेणेव देवदिन्ने दारए ठविए तेणेव उवागच्छइ २ देवदिन्नं दारगं तंसि ठाणंसि अपासमाणे रोयमाणे कंदमाणे देवदिन्नस्स दारगस्स सव्वओ समंता मग्गणगवसणं करेइ २ देवदिन्नस्स दारगस्स कत्थइ सुई वा खुई वा पंउत्ति वा अलभमाणे जेणेव सए गिहे जेणेव धणे सत्थवाहे तेणेव उवागच्छइ २ धणं सत्थवाहं एवं वयासी- एवं खलु सामी ! भद्दा सत्थवाही देवदिन्नं दारयं पहायं जाव मम हत्थे दलयइ । तए णं अहं देवदिन्नं दारयं कडीए गिण्हामि जाव मग्गणगवेसणं करोमि । तं न नज्जइ णं सामी ! देवदिन्ने दारए केणइ नीए वा अवहिए वा अक्खित्ते वा पायवडिए धणस्स सत्थवाहस्स एयमटुं निवेदेइ । तए णं से धणे सत्थवाहे पंथयस्स दासचेडगस्स एयमढे सोचा निसम्म तेण य महया पुत्तसोएणाभिभूए समाणे
