________________
नायाधम्मकहाओ
[1.35गच्छइ जाव संजमइ । तए णं से मेहे अणगारे जाए इरियासमिए अणगारवण्णओ भाणियव्यो । तए णं से मेहे अणगारे समणस्स ३ अंतिए तहारूवाणं थेराणं सामाइयमाइयाणि एक्कोरस अंगाई अहिज्जइ २ बहूहिं छट्ठहमदसमदुवालसेहिं मासद्धमासखमणेहिं अप्पाणं भावेमाणे विहरइ । तए णं समणे ३ रायगिहाओ नयराओ गुणसिलयाओ चेइयाओ पडिनिक्खमइ २ बहिया जणवयविहारं विहरइ। .
(35) तए णं से मेहे अणगारे अन्नया कयाइ समणं ३ वंदइ नमसइ २ एवं वयासी- इच्छामि णं भंते ! तुब्भेहिं अब्भणुनाए समाणे मासियं भिक्खुपडिमं उवसंपन्नित्ताणं विहरित्तए । अहासुहं देवाणुप्पिया ! मा पडिबंध । तए णं से मेहे अणगारे समणेणं ३ अब्भणुनाए समाणे मासियं भिक्खुपडिमं उवसंपज्जित्ताणं विहरइ। मासियं भिक्खु. पडिमं अहासुत्तं अहाकप्पं अहामग्गं सम्मं कारणं फासेइ पालेइ सोभेई तीरेइ किट्टेइ सम्मं कारणं फासेत्ता पालित्ता सोभित्ता तीरेत्ता किदृत्ता पुणरवि समणं ३ वंदइ नमसइ २ एवं वयासी - इच्छामि णं भंते ! तुन्भेहिं अब्भणुनाए समाणे दोमासियं भिक्खुपडिमं उवसंपज्जिचाणं विहरित्तए । अहासुहं देवाणुप्पिया ! मा पडिबंधं । जहा पढमाए अभिलावो तहा दोच्चाए तचाए चउत्थाए पंचमाए छम्मासियाए सत्तमासियाए पढमसत्तरायंदियाए दोच्च सत्तरायंदियाए तइयं सत्तरायंदियाए अहोरायंदियाए वि एगराइंदियाए वि । तए णं से मेहे अणगारे बारस भिक्खुपडिमाओ सम्मं कारणं फासेत्ता पालेत्ता सोभत्ता तीरेत्ता किट्टित्ता पुणावि वंदइ नमसइ २ एवं वयासी - इच्छामि णं भंते ! तुन्भेहिं अब्भणुनाए समाणे गुणरयणसंवच्छरं तवोकम्मं उव. संपज्जित्ताणं विहरित्तए । अहासुहं देवाणुप्पिया! मा पडिबंधं । तए णं से मेहे अणगारे पढम मासं चउत्थंचउत्थेणं अणिक्खित्तेणं तवोकम्मेणं दिया ठाणुक्कुंडुए सूराभिमुहे आयावणभूमीए आयावेमाणे रत्तिं वीरासणेणं अवाउडेणं । दोच्चं मासं छटुंछटेणं अणिक्खित्तेणं तवोकम्मेणं दिया ठाणुकुडुए. सूराभिमुहे आयावणभूमीए आयावेमाणे रत्तिं वीरासणेणं
