________________
नायाधम्मकहाओ
11.30रययामयं विमलसलिलपुण्णं मत्तगयमहामुहाकइसेमाणं भिंगारं गहाय चिट्ठइ । तए णं तस्स मेहस्स कुमारस्स पिया कोदुंबियपुरिसे सहावेइ २ एवं वयासी-खिप्पामेव भो देवाणुपिया ! सरिसयाणं सरित्तयाणं सरिवयाणं एगाभरणगहियनिज्जोयाणं कोडुंबियवरतरुणाणं सहस्सं सदावेह जाव सहावेति । तए णं ते कोडंबियवरतरुणपुरिसा सेणियस्स रन्नो कोडुबियपुरिसेहिं सहाविया समाणा हट्ठा व्हाया जाव एगाभरणगहियणिज्जोया जेणामेव सेणिए राया तेणामेव उवागच्छंति २ सोणयं रायं एवं वयासी-संदिसह णं देवाणुप्पिया । ज णं अम्हहिं करणिज्जं । तए णं से सेणिए राया तं कोडुबियवरतरुणसहस्सं एवं वयासी - गच्छह णं तुब्भे देवाणुप्पिया ! मेहस्स कुमारस्स पुरिससहस्साहिणी सीयं परिवहह । तए णं तं कोडुबियवरतरुणसहस्सं सोणएण रन्ना एवं वुत्तं संतं हर्ट मेहस्स कुमारस्स पुरिससहस्सवाहिणीं सीयं परिवहइ । तए णं तस्स मेहस्स कुमारस्स पुरिससहस्सवाहिणिं सीयं दुरूढस्स समाणस्स इमे अट्ठमंगलया तप्पढमयाए पुरओ अहाणुपुव्वीए संपट्ठिया, तंजहा-सोत्थिय सिरिवच्छ नंदियावत्त वद्धमाणग भद्दासण कलस मच्छ दप्पण जावं बहवे अत्थत्थिया जाव ताहिं इटाहिं जाव अणवरयं अभिनंदंता य अभिथुणंता य एवं वयासी- जय २ नंदा ! जय २ भद्दा ! जय २ नंदा! भई ते अजियं जिणाहि इंदियाई जियं च पालेहि समणधम्मं जियविग्यो वि य वसाहि तं देव ! सिद्धिमज्झे निहणाहि रागदोसमल्ले तवेणं धिइधाणयबद्धकच्छे महाहि य अट्ठकम्मसत्तू झाणेणं उत्तमेणं सुक्केणं अप्पमत्तो पावय वितिमिरमणुत्तरं केवलं नाणं गच्छ य मोक्खं परमं पयं सासयं च अयलं हंता परीसहचमूणं अभीओ परीसहोवसग्गाणं धम्मे ते अविग्धं भवउ तिकट्टु पुणो २ मंगलजयसहं पउंजंति । तए णं से मेहे कुमारे रायगिहस्स नगरस्स मझमझेणं निग्गच्छइ २ जेणेव गुणसिलए चेइए तेणेव उवागच्छइ २ पुरिससहस्सवाहिणीओ सीयाओ पच्चोरुहइ ।
(30) तए णं तस्स मेहस्स कुमारस्स अम्मापियरो मेहं कुमारं पुरओ
